Saemien skyllijemaanajerkie 2018

Saemien gærhkoeraerie skyllijemaanah dan vïjhtede laantenvijries saemien skyllijejarkan Nöörjesne böörede. Jerkie lea Borgen jerkiesijjesne Storfjorden tjïeltesne Romsesne; duarstan njoktjen 8.b. raejeste aejlegen 11. b. raajan 2018. Skyllijemaanah åålmegijstie abpe laantesne bööresuvvieh meatan årrodh.

Bïeljelimmie dorjesåvva akten elektrovneles svaalhtesen tjïrrh mij rïhpese tsïengelen 2. b. jïh lea ræhpas tsïengelen 15. b. raajan.

Skyllijemaanah leah meatan ovmessie darjoeminie goh gyrhkesjimmiem hammoedidh, tjöövkedïenesje, jaahkoeööhpehtimmie jïh sosijaale darjomh ålkone jïh gåetesne. Doh golme saemien gïelh åarjelsaemien, julevsaemien jïh noerhtesaemien jïh nöörjen, åtnasuvvieh abpe jerkesne. Saemien gærhkoeraerie tjïerteste sjïehteladteme skyllijemaanalïerehtimmeste edtja gorredidh gaajhkesh demtieh dah bieline sjidtieh aktene saemiengïeleldh jaahkoeektievoetesne abpe jerkesne.

Saemien gærhkoeraerie, åålmegh gusnie saemieh årroeh jïh doh golme noerhtemes bïspedajvh Saemien skyllijemaanajerkiem soejkesjieh jïh tjïrrehtieh goh akte laavenjostoe.

Ulmie lea saemien skyllijemaanajerkiem öörnedidh skyllijemaanide abpe laanteste. Saemien gærhkoeraerie lea gellie jaepieh saemien noerehïeljh öörnedamme kuvsjigujmie noere åvtehkidie. Noere åvtehkh leah meatan jerkiem tjïrrehtidh jïh dej akte jïjtjeraarehke dïedte bieliej åvteste skyllijemaanalïerehtimmeste.

 

Govlehtallije: 

Tove-Lill Labahå Magga
seniorraeriestæjja jaahkoeööhpehtimmie

Epåaste: tm884@kirken.no

Tell: 23081233

Kontaktinformasjon for Sámi girkoráđđi - Sáme girkoráde - Saemien gærhkoeraerie - Samisk kirkeråd

Besøksadresse:

Stakkevollveien 41

9010 Tromsø

 

 

 

 

 

Samisk kirkeråd

Postboks 799 Sentrum

0106 Oslo

E-post: post.kirkeradet@kirken.no