Sámi girkobeivviid 2025 nuoraidprográmma
Leatgo gaskal 16 ja 24 jagi. Dalle dus lea vejolašvuohta searvat Sámi girkobeivviid nuoraidprográmmii - áibbas nuvttá! Nuoraidprográmma oasseváldit ožžot gokčojuvvon idjadeami ja bileahtaid Kajsa Balto konsertii.
Miellagiddevaš prográmma nuorra oasseváldiide
Nuoraidprográmma addá dutnje vejolašvuođa aktiivvalaččat searvat girkobeivviide. Oasseváldit galget earret eará:
✅ Plánet ja čađahit nuoraidipmilbálvalusa Álttá girkus, ovttas báhpain.
✅ Doallat oktasaš ávžžuhusa Sámi girkuide, gos Norgga, Ruoŧa ja Suoma bismmat vuostáiváldet ja vástidit sáttasáni. Sáttasátni dollojuvvo sotnabeaivve iđida ovdal loahpahanipmilbálvalusa.
✅ Searvat váldoprográmma semináraide ja bargobájiide, lea vejolaš čiekŋudit fáttaide nugo osku, kultuvra, musihkka ja servodat.
Sosiála oktavuohta ja oadjebas rámmat
Nuoraidprográmma oasseváldit orrot čoahkis studeantaláigolanjain, dušše 10 minuhta vázzit dohko Nordlyskatedrálenis - Álttá guovddáža guovdu.
Borramat: Iđđesbiebmu, beaivebiebmu, gaskabeaivvit ja eahketbiebmu guossohuvvo Nordlyskatedrálenis sierra nuoraidlanjas. Dáppe báikkis leat álohii jođiheaddjit geat leat rávisolbmot ja dát doaibma básan oasseváldiide.
Sosiála deaivvadanbáikkit: Nuorat besset geavahit Álttá girku ja stuora lávu, mii doaibmá čoaggananbáikin doaimmaide ja searvevuhtii.
Oadjebas jođiheaddjit: Jođiheaddjit, Norggas, Ruoŧas ja Suomas eret, leat olámuttos olles lágideami áigge, ja orrunguovllus lea ii oađđi idjavákta, lassi sihkarvuođa dihte.
Dieđiheapmi ja galle saji
Lea sadji 45 oasseváldái, ja dieđiheapmi dahkko sierra dieđihanskoviin. Dieđit árrat ja sihkkarastte saji!
Mii illudit sávvat dutnje bures boahtima dán movttiidahtti ja sosiála vahkkolohppii Álttás!
Sámi girkobeaivvit (earret Kajsa Balto-konsearta) leat nuvttá buohkaide.
Mii goitge bivdit buohkaid dieđihit lágideapmái almmuhanliŋkka bokte, vai mii diehtit man olu olbmot leat doaluin, ja vai sáhttit plánet nu buori lágideami go vejolaš.
Jus dieđihat doaluide, de máksá Kajsa Balto konsearta
NUVTTÁ mánáide ja nuoraide (0-24 jagi) ja
150 NOK rávisolbmuide (25 jagi +)
Jus it dieđit, ja oasttát bileahta Kajsa Balto konsertii uvssas, de máksá
150 NOK mánáide ja nuoraide (0-24 jagi) ja
300 NOK rávisolbmuide (25 jagi +)