Dagfinn Høybråten
Dagfinn Høybråten kooll härvvnaž politiikkrid, kook lie kuâđđam põõšši ǩiõjid jiijjâz mâŋŋa – ooumaž kuurrâmlääʹjj tueʹǩǩen lij oouʹdääm õõut tõin tääʹrǩmõs tååimain Taar meertiõrvâsvuõʹtte ođđ ääiʹj. Son teâtt, mõõn vääžnai lij oudsted mõõn-ne, mõõzz åskk, da čõõđted tõn, håʹt lij vuâsttlâʹsttem. Da jeäʹrben čuäʹjted miʹjjid pukid, mâid lij vuäittmõš vuällad silttõõzzin, täävtõõzzlaž tuâj da ǩiõrddvažvuõđ pääiʹǩ!
Høybråteeʹnest lij kuʹǩes jååʹđtemharjjnummuš politiikkâst, valdšmest da meeraikõskksaž organisaatioin. Son teâtt, mâid miârkkšââvv piijjâd jiõccses čiõlgg täävtõõzzid silttõõzz vuâđald, noorrâd joouk, što vuäǯǯ puäđõõzzid da tuõʹllʼjed tõn ǩiõđâst vuâsttlâsttmõõžž čõõđ tõn räjja, ko vuäll täävtõõzzid.
Son leäi kueʹhtt pââʹj tiõrvâsvuõttminister, leâša lij še leämmaž tuâjj- da sosiaalminister da riikkpiisar Finanssministeriast. Meeraikõskksânji son leäi määŋgid iiʹjjid maaiʹlmveiddsõs Gavi-puäkktemleett njonnšen. Tõt lij eeʹjj 2000 rääʹjest peälštam pâʹjjel 17 miljoon päärna jiõgg, ko lie vuäǯǯam päärnai puäkktummuž ǩeeuʹhes riikkid.
Õõlmâs kääzzkõõzzâst son lij jååʹđtam Taar ååsktemvaaldâšm, leämmaž kåʹddjååʹđteei da jååʹđteei Kooʹddi kõõskõsleettast. Tõn mâŋŋa ko Høybråten leäi riikksuåvtõõzzâst, jõnnteʹǧǧvuäzzlaž da Riistlaž meerpeällõõǥǥ peällõkjååʹđteei, leäi son Tâʹvvjânnmi väʹlddpiisar da mâŋŋa Ceerkav jieʹttvieʹǩǩ väʹlddpiisar.
Eeʹjj 2018 rääʹjest eeʹjj 2023 räjja son jååʹđti jõnntegga nõõmtum komissio, kååʹtt seʹlvvti säʹmmlai, kveeʹni, taarläʹddlai da meäʹccläʹddlai tarrlâsttmõõžž.
Mari Valjakka
Mari Valjakka lij nuõrttsääʹm papp Lääʹddjânnmest. Son lij reâuggam sääʹmpappân Lääʹddjânnam evaŋkeel-luteerlaž ceerkvest eeʹjjest 2015. Mââimõs kueiʹt eeʹjj ääiʹj Mari lij reâuggam projeʹkttkoordinaattoorân Säʹmmla ceerkvest -projeeʹktest. Projeʹktt ǩiõttʼtââll tuõttvuõtt- da suåvâdvuõttproseeʹss Lääʹddjânnam evaŋkeel-luteerlaž ceerkav da säʹmmlai kõõskâst. Mari Valjakkaaʹje tääʹrǩes ääʹšš lie ekumenia di alggmeer- da äimmõsääʹšš. Valjakka jååʹđat Ceerkvi maaiʹlm suåvtõõzz alggmeerai refereʹnssjoouk, da son lij vuäzzliʹžžen Climate Justice Policy Task Force -jooukâst Luteerlaž maaiʹlm federaatiost.
Johan Máhtte Skum
Johan Máhtte Skum lij škooultum ceerkavmusiikkâr, da õhtt vuõssmõs sääʹm ceerkavmusiikkrin, koon veäncceeš jaakânkääzzkõʹsse Taar ceerkvest. Johan Máhtte reâugg vuäʹppõsuʹvddjen Sääʹm ceerkavsuåvtõõzzâst, Taar ceerkvest. Suʹst miõll ǩeäss sääʹm ceerkavmusiikk, psalmmläullam da äʹrbbvuõđlaž musiikk årra. Johan Máhtte lij leämmaž mieʹldd plaanmen 2013, 2017, 2022 (2021) da 2025 Sääʹm ceerkavpeeiʹvi sluuʹžvid. Taʹnnʼjaž ceerkavpeeiʹvin Johan Máhtte kåčč psalmmläullampoʹdde sueʹvet ǩieʹssmannu 28. peeiʹv.
Lovisa Mienna Sjöberg
Lovisa Mienna Sjöberg lij tuʹtǩǩeei da veäʹǩǩprofessor VID Specialized University:st Tromssast. Son vaʹsttad paappi teolooglaž škooultõõzzâst. Son lij tuejjääm näggtõsǩeeʹrjes eeʹjj 2018 Oslo universitetta teeʹmest "Att leva i ständig välsignelse. En studie av sivdnidit som religiös praxis" ("Čõõđ äiggsaž blouslõõzzâst jeällmõš: Blouslõõvvmõõžž tuʹtǩǩummuš ååskvaž nääʹllen").
Sjöbeeʹrg tuʹtǩǩummuš čiŋlmââvv jiõglvaž äʹrbbvuõđid da naaʹlid Sääʹmest, sääʹm maainâsäʹrbbvuõđid, juõʹǩǩpeivvsaž oskku da sääʹm historiaaʹje ceerkav õhttvuõđâst. Son lij ääiʹjben reâuggam Sääʹm õllškooulâst projeʹkttjååʹđteeʹjen, loǥlmõʹsttjen di veäʹǩǩprofessoorân.
Suu õõlmtõõzz âʹnne seʹst nuʹtt akateemlaž ko še populaartiõđlaž artikkeeʹlid da ǩiiʹrji lååǥǥaid ruõcc-, taar-, eŋgglõs- da tâʹvvsääʹmǩiõʹlle. Suʹst miõll ǩeäss tuʹtǩǩummšest vuõss-sâjjsânji raajji teologia, jeäʹrben kõskkvuõđâst ânnʼjõž raajjâmkriiʹse, di säʹmmlai ceerkavhistoria årra.
Fredrik Juul
Fredrik Juul lij pââimõs papp Máláge-Suorssá pââimõspappvuuʹdest, Ruõcc ceerkvest. Son lij še rovastt (läänrovastt) Saujj-Sääʹm rovasttkååʹddest (lään). Son lij reâuggam âlddsin 25 eeʹǩǩed pappân jeeʹres seäʹbrrkooʹddin Vyöddaleiednuo pirr da uuʹmesääʹmvuuʹdest, da lij tõn-nalla mättjam jiânnai sääʹm ceerkavjieʹllem da sääʹm aaʹšši pirr. Sääʹm ceerkavpeeiʹvin son peäss mušttled jiijjâs ǩiõččlâsttmõõžžin, kook kueʹsǩǩe Christina Catharina Larsdotteeʹr maacctummuž Máláge-siʹjdde vueʹssmannust 2024.
Kaisa Huuva
Kaisa Huuva belongs to Gabná Sámi village in Kiruna municipality and Stockholm. For over 20 years, she has worked in various organizations to strengthen and protect Sámi cultural and community life, including Sámi church life. She has long been engaged in issues of Sámi self-determination, reconciliation, and decolonization.
Kaisa is working on a research project exploring the enduring Sámi presence in Swedish settler-colonial landscapes.
Ida-Maria Marakatt
Ida-Maria Marakatt lij šõddâm eeʹjj 1983. Son šõõddi Saivomuotki-siidâst, Gárasâvvan seäʹbrrkååʹddest. Suu sääʹm preeddan lie Gárasâvvan vuuʹdest da miârrsääʹm vuuʹdest Ivguvuõnâst, Tâʹvv-Tromssast.
Ida-Maria lij tuejjääm ǩiõtt-tuâjaid nuõrrvuõđ rääʹjest da lij mättjam äʹrbbvuõđlaž nääʹl mieʹldd, puärrsab puõlvvõõǥǥin. Suʹst lij še tuʹtǩǩõs Säʹmmlai škooultemkõõskõõzzâst Jokkmååʹǩǩest. Toʹben son mättʼtõõđi teeʹmes ǩiõtt-tuâjaid, da suʹst miõll ǩieʹzzi jeäʹrben tâʹvvsäʹmmlai ǩiõtt-tuâjjmaalli årra. Ida-Maria silttad jäänaš teeʹmes tuâjai tekniikkid, leâša lääiʹjtuâjain, jeäʹrben raabbâltuâjain son tuʹǩǩad jäänmõsân.
Son jäälast ânnʼjõžääiʹj piârrjiʹnes Ađevuopmi-siidâst. Piâr kooll Lávnjitvuõm puäʒʒsiʹjdde, koʹst sij håidda puõccuid. Ida-Maria jååʹđat jiijjâs ǩiõtt-tuâjjpõrggâz. Põõrǥâs tuejjad tuâjaid tiʹllʼjõõzzi mieʹldd, âânn kuursid/mättʼtõõzz/tuâjjpaaʹjid di kaaupaš še vaalmâš ǩiõtt-tuâjaid da aunnsid. Äʹrbbvuõđlaž ǩiõtt-tuâjj lij Ida-Maria ǩiõtt-tuâjai kuvddlõõzzâst, leâša son tuejjad še jeeʹres tuâjaid, mâʹte ceerkavtekstiilid.
Vesa Orassalo
Mon leäm Vesa Orassalo, 24-ekksaž nuõrr ååum Njauddmest. Mättʼtõõđam ååʹn klassuʹčteeʹlen Ruäʹvnjaarǥâst da plaanân leʹčči mäʹcced mååust tââvas.
Leäm jååttam jiânnai luâđast čõõđ muu jieʹllem, da mieʹcstem di kueʹllšeeʹllem lie muu jieʹllemnääʹl. Ko leäm jååttam luâđast, leäm piâssâm vueiʹnned da ǩiõččlâʹstted håʹt mâid oʹdinaknallšeeʹm, kååʹtt lij inspirâsttam muu altteed sniimmʼmõõžž. Jeäʹrben reepp da luõzz lie muʹnne tääʹrǩes ääʹšš, da tõk ohjjee muu jieʹllem!