I eit brev til kyrkjelege medarbeidarar i Bjørgvin, skriv biskop Halvor Nordhaug:
Vi treng inspirasjon og mot for å møte klimautfordringane. Bispemøtet trur gudstenesta gir oss nettopp det. Når vi i dette dokumentet har valt å reflektere over vår tids store utfordring og krise i lys av dei ulike ledda i gudstenesta, ser vi tydeleg at klimakrisa handlar om trua vår på Gud og livet vårt i Guds verd. Gudstenesta rommar alle sider ved livet, og gir styrke og mot til å møte dei.
Bispemøtet oppfordrar til ein brei samtale om kva vi som lokalsamfunn og enkeltpersonar kan gjere og bidra med for å forhindre den fullstendige krisa i skaparverket. Med dette heftet vil Bispemøtet inspirere til handling for ei god og rettferdig forvaltning av skaparverket.
Vi håpar heftet vil vere til inspirasjon i arbeidet ditt i kyrkjelyden.
Du finn heftet i linken under. Det kan også bestillast i trykt versjon hos bispemøtet, sjå kontaktinformasjon nedanfor.