Midlane skal nyttast til kyrkjelege formål med særlig vekt på tiltak i kyrkjelydane og felles kyrkjelege tiltak. Dei skal i hovudsak nyttast innanfor bispedømet sin strategi. Prosjekta kan vara frå eitt til tre år.
Det er bispedømerådet som tildeler midlar. Bispedømerådet har høve til å prioritera dei tiltaka som er i samsvar med bispedømet sine strategiar. Ny strategi for 2021-2024 har følgjande hovudsatsingsområde:
- Dåp - oppsøkjande arbeid, dåp i alle aldrar
- Ungdom - møteplassar, uttrykksformer, engasjement
- Teneste - frivillig teneste, gjevarteneste, rekruttering
- Kunst og kultur – opne opp eit rom for tru, eige arbeid, samarbeid
- Synleg - møte folk der dei er, samverke med andre, aktiv pådrivar for berekraftig utvikling
Prosjekt som rettar seg mot leiartrening for ungdom vil verte prioriterte. Søknader med nyskapande tiltak knytt til trusopplæring vil og kunne bli prioriterte, då dei kan tildelast frå ”unytta trusopplæringsmidlar”.
Uavhengig av innhald, vil søknader med samarbeid mellom fleire kyrkjelydar bli prioritert. Dei siste åra har bispedømerådet prioritert slik at mange små prosjekt har fått omlag 15 000 - 35 000 kr. Nokre få, større prosjekt har fått meir. Sjølv om snittsummen ikkje er så stor, er det viktig med noko eigenfinansiering (som kan vere både kommunale eller private midlar/sponsorar eller gjevarteneste).
Søk på nytt om de har eit pågåande prosjekt
Nye prosjekt kan vare frå eitt til tre år. Prosjekt som alt er igong, vil prioriterast dei påfølgjande åra, men dette føreset at førebels prosjektrapport viser at prosjektet har den planlagte progresjonen. Desse må senda søknad kvart år.
Hugs fristen 1.desember 2021 - søknaden skal sendast på søknadsskjema til Bjørgvin bispedømeråd på epost til bjoergvin.bdr@kyrkja.no.
Alle som får innvilga stønad må rapportere på midlane på eige ark. Frist for rapportering: 1. mars
Søknadsskjema og skjema for rapport på innvilga midlar finn du nedst på denne sida.