Preikekappleik og preikeverkstad

Reformasjonsbyen Bergen inviterer til preikekappleik 3. mars 2017 kl. 19. Same dag blir det også ein preikeverkstad kl. 10 - 15 for dei som vil arbeida med å fram bodskapen sin.

Preikekappleik er ein uhøgtidleg økumenisk preikekonkurranse i Luthers ånd, fredag 3. mars kl 19-21 på Østre i Skostredet 3.
Målet er å kåra dagens beste tre-minuttars preike.

Det vert ein jury av ikkje-prestar som skal bedømma om predikanten når ut og fram - Ut med ein klar bodskap og fram til tilhøyraren med nærvær og engasjement. Det vert to omgangar, eit innleiingsheat og ein finale. Fyrste omgang er ei tre-minuttars preike med tema: Nåde. I finaleomgangen skal ein ta utgangspunkt i bibelteksten for påskedag - Luk 24,1-9.

Verkstad - Nå ut med bodskapen!
Fredag føremiddag kl 10-15 vert det verkstad om forkynning i Johanneskirkens kapell.
Verkstaden er både dei som skal vera med på kappleiken om kvelden og andre som vil arbeida med si eiga formidling. Tema: Korleis nå ut.

Det vert øvingar, gruppearbeid og individuell rettleiing, inspirasjon frå Luther og retorikken, om stemmebruk og kroppsspråk. Ta med ein treminuttars preiketekst, gjerne den du skal bruka om kvelden.

Ansvarlege for teoribolkar og øvingar er: Amund Ove Børdahl som underviser i retorikk og praktisk argumentasjon på Universitetet i Bergen, Informasjonsrådgjevar med master i kommunikasjon Jens Z. Meyer og kyrkjefagsjef med master i retorikk og formidling Tore Skjæveland.

Program

09:30 - 10:00 Intro / kaffi, te, frukt

10:00 - 11:30 Fyrste økt: Innhald

  • Retorikk – å gje innhaldet form og effekt
  • Luthersk retorikk – kva kan me læra av Luthers preikepraksis?
  • Øving/respons/samtale

11:30 - 12:00 lunsj (Gratis, akkurat som nåden!)

12:00 - 13:20 Andre økt: Nå fram til tilhøyraren

  • Tilhøyraren
  • Retoriske tips (særleg om innleiing og avslutning)
  • Øving/respons/samtale

13:30 - 14:50 Tredje økt: Nærvær

  • Framføring (actio) med heile kroppen
  • Slik blir du klar - Stemmetrening, oppvarmingsøvingar
  • Praktiske tale- og presentasjonsøvingar med din tekst (3 min nåde/påskepreike)

15:00 Slutt

Bli med!
Ver med å setja den gode preika på dagsorden! Særleg velkomen til predikantar utanfor den norske kyrkja.

Hovudansvarleg for verkstaden er kyrkjefagsjef Tore Skjæveland.

FULLTEIKNA - PÅMELDINGAR NO GÅR TIL VENTELISTE.

Kontaktinformasjon for Bjørgvin bispedøme

Bjørgvin biskop og bispedømeråd Strandgaten 198 Postboks 1960, Nordnes 5817 Bergen

Telefon: 55 30 64 70
E-post: bjoergvin.bdr@kyrkja.no
Org.nr: 818 066 872
kontonr. 2801.45.98164 - merk alle innbetalingar med ref. 270 + forklarande tekst

Kontortid: 08.30-15.00 Telefontid: 09.00-14.30