Pris til artistektepar

På ei mottaking i Korskirken i Bergen søndag 19. april fekk Karoline Krüger og Sigvart Dagsland Johan Nordahl Brun-prisen 2015 for deira innsats som brubyggjarar mellom kyrkje og kultur.

"Den tro som skal overleve må overlevere. Overlevering er imidlertid ikke gjentakelse, men forming, knaing og tradering av overlevert gods," sa biskop Halvor Nordhaug i sin tale til prisvinnarane. Han grunngav pristildelinga med at artistekteparet som brubyggjarar mellom kyrkje og kultur blant mykje anna har fungert, ikkje berre som formidlarar men også nytolkarar av gammal tradisjon. "Troens sanger og salmer, og kirken liturgier er tradisjon som har betydd mye for mange: og det er vårt oppgave å la det beste av dette leve videre.  Disse formene og dette språket har kirken alltid vært henvist til å bruke for at troen ikke skulle reduseres til en indre og språkløs følelse. Vi trenger ord og toner som bærer og som beveger, og som vi kan gi videre som vårt uttrykk og vår gave til vår egen tid; samtidig som vi får tro at noe av det også vil leve etter oss," sa biskopen. 

Sterke nytolkingar

"Dere har begge to, både hver for dere og sammen, gitt oss sterke og noen ganger også grense- og sjangersprengende nytolkninger av tradisjonelle kristne sang- og salmetekster, i tillegg til nyere tekster med et bredt utvalg av tema. I tillegg til sangene,  som dere er vel kjent for, er det i denne sammenhengen også naturlig å trekke fram Karolines bidrag som tonesetter til de nyskrevne Jakobsliturgiene, forfattet av Erik Hillestad, som brukes i flere kirker, også i ungdomskatedralen St. Jakob her i byen," sa biskopen som også hadde invitert Erik Hillestad til utdelinga. Dei godt over 100 som hadde teke turen til Korskirken denne fine søndagsettermiddagen, fekk høyra både Karoline Krüger og Hilde Trætteberg framføra kvart sitt ledd frå Jakobsmessa.

Arbeidsrommet mellom kyrkje og scene

Begge artistane kvitterte elles for prisen med framføra nokre songar. Dei hadde på førehand også takka i ein e-post som vart sitert av biskopen:  «Arbeidsrommet i skjæringspunktet mellom kirke og scene er jo for oss etterhvert blitt et selvsagt tilholdssted, og det kjennes overraskende og særdeles hyggelig at det legges merke til og bokstavelig talt settes pris på.»

Mottakinga vart opplevd som ein flott minikonsert der også artistane Hildegunn Garnes Reigstad og Torjus Vierli var med og hylla prisvinnarane. 

Prispengane til Kalfarhuset oppfølgingssenter

Prisen vart delt ut av biskop Halvor Nordhaug, ordførar Trude Drevland og tidlegare dagleg leiar for Kirkens Bymisjon i Bergen, Leif Jarle Theis. Bergen kommune støttar prisutdelinga med 20.000 kr som vinnarene skal få gje til eit godt føremål. Årest prisvinnarar har gjeve pengane til Kalfarhuset oppfølgingssenter.

 

Kontaktinformasjon for Bjørgvin bispedøme

Bjørgvin biskop og bispedømeråd Strandgaten 198 Postboks 1960, Nordnes 5817 Bergen

Telefon: 55 30 64 70
E-post: bjoergvin.bdr@kyrkja.no
Org.nr: 818 066 872
kontonr. 2801.45.98164 - merk alle innbetalingar med ref. 270 + forklarande tekst

Kontortid: 08.30-15.00 Telefontid: 09.00-14.30