Dei som vert føreslegne skal på førehand spørjast om dei er viljuge til å lata seg nominera. Av omsyn til nominasjonskomitéen sitt arbeid, bør det følgja ein liten stikkordsmessig presentasjon av kandidaten saman med ei grunngjeving på kvifor vedkomande bør bli nominert.
Gyldige framlegg på kandidatar må innehalda nødvendige opplysningar:
- Fullstendig namn og adresse, telefon og e-post.
- Fødselsdato
- Stilling og arbeidsgjevar
- Ei grunngjeving for kvifor vedkomande bør bli nominert.
Forslag på kandidatar kan sendast inn til Valrådet i Bjørgvin via eit skjema (sjå lenke nedst på sida). Siste spørsmålet i skjemaet, ”Opplysningar om kandidaten”, er meint som hjelp for nominasjonskomitéen. Her har de høve til å tala varmt om dykkar kandidat. Det som blir skrive her kan bli brukt i valinformasjon seinare, så skriv slik at opplysningane kan vera offentlege.