Bjørgvin bispedømeråd behandla i sitt møte 25. mars 2021 fordelinga av tilskot frå avkastninga til «Opplysningsvesenets fond (OVF)» for 2021. Bjørgvin bispedøme har for 2021 til fordeling totalt kr. 875.000,- i OVF-tilskot. Her er oversynet over dei som fekk innvilga søknad i 2021
Kunngjeringa av midla vart mellom anna gjort kjend i nyhendebrevet «Nytt frå Bjørgvin» i november 2020 som vert sendt til alle kyrkjelydar. Kunngjeringa vart òg gjort kjend på bispedømet si heimeside 5. november 2020
OVF-tilskota har som mål å bidra til å leggje til rette for gode utviklingsprosjekt i kyrkjelydane. Frist for søknad var 1. desember 2020. Det kom inn 41 søknadar om tilskot. Samla totale søknadssum var kr. 1.772.000,-
Det er bispedømerådet som tildeler midlar og i år var prosjekt som rettar seg mot leiartrening for ungdom særleg prioriterte.
Søk kvart år for prosjekt som går over meir enn eitt år
Nye prosjekt kan vare frå eitt til tre år. Prosjekt som alt er igong, vil prioriterast dei påfølgjande åra, men dette føreset at førebels prosjektrapport viser at prosjektet har den planlagte progresjonen og at ein sender ny søknad kvart år.
Rapportering
Midlane skal nyttast slik det kjem fram av søknaden og det er krav om rapportering på korleis midlane vert nytta. Rapporteringsfrist for tilskot 2021 er 1. mars 2022. Fyll ut elektronisk skjema her. Lenke til elektronisk skjema, evt. skjema i word, finn du nedst på sida.
Om prosjektet ikkje blir gjennomførd slik det står i søknaden, vil tilskotet bli kravd tilbakebetalt.
Avslag på søknad
Bispedømerådet takkar for interessa frå dei som ikkje fekk søknaden innvilga denne gongen. Det er også mogeleg å søke støtte andre stader, sjå lenke nedst på sida.