Strategisk plattform for kyrkja sine unge

10.januar 2018 underterteikna dei fleste organsisasjonene i SBU (Samarbeidsråd for barne- og ungdomsarbeid) ein plattform for forpliktande samhandling om Den norske kyrkjes barne- og ungdomsarbeid. Med dette som bakgrunn, ønskjer Møre bispedøme å få til ein fast møtestad for dei ulike kristne organsisasjonane som er tilknytta denne plattformen. Målet er å finne ulike måter å samarbeide på som er med å gjere det kristne barne- og ungdomsarbeidet enda meir synleg.

Det kristne arbeidet som barne- og ungdomsorganisasjonane driv er ein viktig stad for forming av barn og unge si tru. Dei driv eit kontinuerleg arbeid som er ein viktig grunnmur for mykje av det punktvise arbeidet i kyrkjelydane si trusopplæringsplan. 

Den strategiske plattformen vil fortsetje sine møter i 2019.

Ved å snakke høgt saman kan vi i fellesskap løfte opp det kristne arbeidet som finst i kvart sokn.