Søk på stillinga via lenkje nedst på denne sida!
Sokna i Askvoll, Fjaler og Hyllestad har inngått eit nytt samarbeid om felles pedagog til den kyrkjelege undervisninga for barn og unge frå 0-18 år i samarbeidsområdet.
Stillinga er ledig for snarleg tiltreding, og den som vert tilsett vil få ei leiande rolle i realisering og vidareutvikling av dei vedtekne planane i sokna.
Kyrkjelydspedagogen vil utføre arbeidet sitt i samarbeid med lokalt trusopplæringsutval i soknet, styringsgruppa for stillingssamarbeidet, sokneprest, kantor/organist og andre lønna og ulønna medarbeidarar.
Det er om lag 940 kyrkjemedlemer i aldersgruppa 0-18 totalt i sokna. Plan for den kyrkjelege undervisninga er vedteke i alle sokna, men ikkje alle tiltaka er innfasa enno.
Hovuddelen av trusopplæringstiltaka vil vere lokalisert i kommunesentraene med Askvoll kyrkje, Dale kyrkje/Ljosheim og Hyllestad kyrkje. Lokala her er godt eigna for trusopplæringsaktivitetar, med mellom anna multimediautstyr, fleksibel møblering, kjøkkenfasilitetar m.v. Det er jamt over svært god oppslutning (over 80% i fleire av trusopplæringstiltaka) i sokna. For nærare informasjon om sokna og om undervisningstilbodet til barn og unge, sjå:
www.kirken.no/askvoll
www.kirken.no/fjaler/
www.hyllestad.kyrkja.no
Arbeidsoppgåver:
- Fylgje opp og vidareutvikle lokale planar for den kyrkjelege undervisninga i soknet
- Saman med trusopplæringsutvala og styringsgruppa ansvar for at tiltaka i trusopplæringsplanane vert gjennomførte.
- Delta i gudstenester knytt til trusopplæringa.
- Delta i arbeid blant born og unge.
- Rekruttere og inspirere uløna medarbeidarar.
- Profilere trusopplæringsarbeidet i ulike medier.
- Rapportering.
Vi ynskjer ein person som:
- Har interesse og engasjement for kyrkjeleg arbeid for born og unge.
- Har minimum 3-årig høgare utdanning med pedagogikk og/eller kristendom i fagkrinsen. Manglande utdanning kan kompenserast med relevant erfaring.
- Har kjennskap til Den norske kyrkja si verksemd.
- Har gode kommunikasjonsevner og norskkunnskapar og erfaring med sosiale medier.
- Kan arbeide sjølvstendig og systematisk.
- Har personlege eigenskapar som gjer ein skikka for stillinga (engasjement, kreativitet, formidlings- og samarbeidsevne).
Opplysningar om stillinga:
- Løn etter kvalifikasjonar etter gjeldande tariffavtale i KA sitt tariffområde.
- God pensjonsordning i KLP.
- Kyrkjeverja i vertsfellesrådet er næraste overordna for stillinga.
- Fast kontorplass på kyrkjekontoret i Askvoll eller Dale sentrum i triveleg kollegafellesskap saman med sokneprest, kantor/organist, kyrkjesekretær og kyrkjeverje.
- Fleksibel ferieordning: Om ønskeleg kan det avtalast konsentrert arbeidstid til delar av året der den tilsette kan ta ut ferieveker i samband med jul, påske, i skulen sin vinter- og haustferie og lang sommarferie (tilsvarande skuleferien).
- Ein må rekne med noko arbeid på kveldstid og i helgar.
- Søkjar må vere medlem av Den norske kyrkja.
- Søkjar må disponere bil (skyssgodtgjersle).
- Den som vert tilsett må levere tilfredsstillande politiattest.
- Oppstart i stillinga: 1. februar eller etter avtale.
For nærare opplysningar om stillinga, ta gjerne kontakt med:
Kyrkjeverja i Fjaler:
Jostein Bildøy telefon 951 91 332, eller e-post: JB286@kyrkja.no
Kyrkjeverja i Askvoll:
Rune Ziener telefon 479 63 319, eller e-post: rz459@kyrkja.no
Søknad med CV og kopi av vitnemål og attestar kan sendast på e-post eller post til:
rz459@kyrkja.no
Askvoll sokn
Postboks 14
6988 Askvoll
Søknadsfrist: 5.januar 2025