I Bjerkreim har vi to kyrkjer og tre kyrkjegardar. Når nokon skal gravleggast på gravplassen i Ørsdalen har vi seremonien i Ivesdal kyrkje. Når grendehuset i Ørsdalen vert tatt i bruk og møblert kan det vere aktuelt å bruke dette huset til seremonirom før gravlegging i Ørsdalen.
I etterkant av gravferda vert det sendt ut informasjon ang. reglane for kyrkjegardane i Bjerkreim, litt om montering av gravminne og fjerning av blomar og kransar etter gravferd.
Den som står som ansvarleg for ei grav vart kalla festar. Det er personen som er festar som er kyrkja sin kontaktperson. Det går an å reservere ei grav til når ein person døyr slik at det er to som er attmed kvarandre, gjerne til eit ektepar. Andre ynskjer å bruke opp igjen eldre graver som familien gjerne har vore festar for i mange år. Som regel går dette fint, men pga varierande jordsmon på ulike felt og på dei ulike gravplassane må dette vurderast frå tilfelle til tilfelle.