Det er tre gravplassar, dei er plasserte på Bjerkreim, Ivesdal og i Ørsdalen.
Det er egne felt, ved Bjerkreim kyrkjegard, for muslimar og for dei som ikkje ønskjer å verta gravlagt i vigsla jord.
Bjerkreim kyrkje
Hovudkyrkja vår ligg sentralt i Bjerkreim, godt synleg frå E39. Dette er ein langkirke frå 1835 med 390 registrerte sitjeplassar, men før denne kyrkja vart bygd, var det også kyrkje på staden, dokumentert heilt tilbake til 1300-talet.
Orgelet
Kyrkjeorgelet er eit Opus 51 frå Ryde & Berg Orgelbyggeri med 14 stemmer, installert i kyrkja i 2001.
Tilrettelegging
Kyrkja og gravplassen er tilrettelagt for rullestolbrukarar, med inngang frå kyrkjesida (venstre). Det er tre trappetrinn opp til koret, men det er mogleg å sette fram rampe dersom det til dømes er ønskjeleg å gå til nattverd. Om du ønskjer at presten skal kome ned til deg med nattverd, gje gjerne beskjed til ein av gudstenestens betjening.
Ivesdal kyrkje
Ivesdal kyrkje er ein langkyrkje fra 1876 med 210 registrerte sitteplasser.
Orgelet
6 stemmers orgelpositiv frå A. Magnusson orgelbyggeri AB frå 1983. Orgelet vart flytta frå Sokndal kirke. Det vart teke i bruk i Ivedal kyrkje i august 1995.
Tilrettelegging
Kyrkja og gravplassen er tilrettelagt for rullestolbrukarar, med rampe ved hovedinngangen. Ved nattverd kjem du fram til trappene og presten vil kome deg i møte.
Kjelder og meir info:
https://www.norske-kirker.net/home/rogaland/bjerkreim-kirke/
https://kirkesok.no/kirke/2132
https://ryde-berg.no/opus/051-bjerkreim-kyrkje
https://www.bjerkreim.info/pdf/Bjerkreims%20kirker%20og%20kirkesteder%20-%20utgave%2011.pdf