Musikar trengs til musikkglad kyrkje

Vi har ledig 100% kyrkjelydsmusikarstilling i Meland sokn og ser etter deg som blir motivert av eit mangfald av musikkutrykk og ei aktiv forsamling av alle generasjonar. Viss du også vil løfte og utvikle musikkarbeidet som ein viktig del av kyrkjelydsarbeidet, er du personen vi ser etter.
I Meland kyrkje, som har gudstenester kvar søndag, er det ope for mange slags utrykk. Både tradisjonell orgelmusikk og bandbasert musikk er jevnleg i bruk. Bygdene i Meland er prega av svært mange musikalske ressursar, og mange er allereie aktive i kyrkjelyden.
Kyrkjelyden ønsker å halde fram og styrke det gode musikalske arbeidet. Kyrkjelyden sin visjon og verdiar er: «Nær Gud – nær menneske: Engasjert, mangfaldig og inviterande kvardagskyrkje».