Før de giftar dykk, må Skatteetaten undersøke om de oppfyller vilkåra for å inngå ekteskap. Dette kallast prøving av ekteskapsvilkår, og må gjerast for at kyrkja kan gjennomføre vigsla. De kan søke om prøvingsattest på Skatteetatens nettsider (skatteetaten.no/gift).
Behandlingstida på dette er vanlegvis kort, men det er vanleg å gjere dette nokre måneder før vigsla. Ein prøvingsattest er berre gyldig i fire månader, fordi opplysningene de oppgir må vere ferske.
De må også be forlovarar om å fylle ut forlovarerklæring på Skatteetatens nettsider.
Når saka er ferdig behandla, får de melding om å logge inn i Altinn for å laste ned prøvingsattesten som bekreftar at de kan gifte dykk. Denne prøvingsattesten må så sendast vidare til presten som skal vie dykk, enten via e-post eller ved å levere ei utskrift. Du finn kontaktinformasjon nederst på sida.
De må begge fylle ut eigenerklæring og forlovarane må fylle ut forlovarerklæring. Nokre må fylle ut litt meir: Har ein av dykk vore gift før, vil det i nokre tilfelle vere behov for å legge ved ei erklæring om dette. Ynskjer de å endre namn, er det eit eige skjema for dette.