Brudeparet kan gjere fleire val. Difor bør prest/kantor og brudepar starte planlegginga av kyrkjebryllaupet i god tid. Alternative val har vi oppsummert i åtte punkt:
1. Skriftlesningar
Det er ulike val i ordningen for vigsel. I praksis står heile Bibelen til disposisjon for å finne tekstar som passar for det bryllup det gjeld. Kva skal bli lest? Er det tema som betyr noko særleg for brudeparet som de vil legge spesiell vekt på?
2. Skriftlesningane
Medlemer av bryllaupsfølget kan delta med skriftlesning. Kanskje bror eller søster skal lese? Mor eller far? Forlovarane? Vener? Andre i familien? Eller vil brudeparet helst at presten skal lese?
3. Ekteskapsløfta
Ekteskapsløfta kan utførast på to måtar. Første alternativ har to spørsmål til kvar av brudefolka. Andre alterantiv er at brudefolkea sjølve seier ekteskapsløfta. Det skjer ved at brudgom/brud gjentek etter presten: Eg tek deg (namnet) til ektemake. Eg vil elska og æra deg, og vera trufast hos deg i gode og vonde dagar til dess døden skil oss åt.
4. Overrekking av ringar
Det er mogeleg å overrekke ringane under seremonien. Om ein ynskjer det, kan brudgom og brud utføre overrekkingane av ringane ved sjølv å seie følgjande etter presten: (namn), eg gjev deg denne ringen som eit teikn på løftet mitt om kjærleik og truskap.
5. Forbøn for brudeparet.
Brudeparet kneler under forbøna. Liturgen bed for brudeparet, med handspålegging, og avsluttar med Herrens bøn (Vår Far). Eventuelt kan også andre i følgjet delta i forbøna med handspålegging. Det blir og høve til lystenning under forbøna. Om ein ynskjer kan det syngast ein bønesalme medan brudeparet kneler på alterringen.
6. Musikk/symbolhandlingar
Deltakarane i bryllupsfølgjet og andre kan medverke med musikk, høgtlesing eller andre kulturelle innslag. Her er høve for kreativitet og deltaking for å gjere seremonien enda meir personleg. Der den eine part har ei anna kyrkjeleg tilknytning enn Den norske kyrkja, kan ein her opne for deltaking frå gjeldande kyrkjesamfunn.
Enkeltelement i seremonien - som musikk, opplesing og andre innslag - skal formast i samsvar med at eit kyrkjebryllaup er en kyrkjeleg handling av gudstenestleg karakter. Val av musikk og song skal godkjennast av musikkansvarleg/kantor/organist i god tid før bryllaupet.
7. Bryllaupsmesse
I Den romersk-katolske kyrkja blir alltid eit bryllaup i kyrkja feira som ei messe, dvs. at nattverd er ein del av vigselsseremonien. Det også mogeleg i Den norske kyrkja. Ynskjer brudeparet ei bryllaupsmesse?
8. Prosesjonane
Skal brudeparet gå inn saman eller skal bruda gå inn åleine eller saman med nokon andre? Skal det vere med brudepiker og brudesveinar? I rettleiinga til ordning for vigsel heiter det: Om det er ynskjeleg, kan brudeparet, ein eller begge, forlovarar, representant(ar) for familiane, liturg (dvs. prest) og andre gå inn i kyrkja i prosesjon.