Tidspunkt for gravferda
Gravlegging skal skje seinast 10 verkedagar etter dødsfallet dersom avdøde ikkje vert kremert. Tidspunkt for gravferd vert fastsett av kyrkjeverja etter avtale med den som syter for gravferda eller med gravferdsbyrå.
Rett til å syte for gravferda
Det er dei næraste etterlatne til avdøde som har rett til å syte for gravferd. Gravferdslova fastset retten til å syte for gravferd i slik rekkjefølgje; ektefelle, barn, foreldre, besteforeldre, søsken, søsken sine barn og foreldre sine søsken. Dersom det før dødsfallet er sett fram skriftleg erklæring om kven som har denne retten, skal denne ha fortrinnsrett.
Grav
Alle innbyggjarar i Etnedal kommune har rett til fri gravlegging og fri grav. Ein kan velje fritt kva kyrkjegard i kommunen ein ønskjer gravlegginga. Ved gravlegging, er det og høve til å reservere grav attmed, t.d. til attlevande ektefelle. Den reserverte grava vert då ei betalingsgrav. Kyrkjeverja tilviser grav. Ein har høve til gjenbruk av eksisterande grav under vilkår av at grava ikkje er freda, og at festar samtykkjer i at grava kan opnast for gjenbruk. Askeurne kan setjast ned i freda grav.
Utanbygds gravlegging
Personar som ikkje var busett i kommunen kan og gravleggast her, men det vert då kravd avgift for gravfeste, kiste- eller urneavgift, samt seremoniavgift dersom ein skal ha kyrkjeleg seremoni i samband med gravlegginga.
Avgifter pr. 2016:
Gravferd (der vedkommende ikkje er busatt i Etnedal)
For gravferd med seremoni i kyrkje i Etnedal kr. 4000,-
For urnenedsetting kr. 800,-
For kistenedsetting uten seremoni i Etnedal kr. 2500,-