Hareid kyrkjegard fekk laga eit eige urnefelt då kyrkjegarden vart utvida for eindel år tilbake i tid. Dette feltet er tatt i bruk for dei som ønskjer ei grav der kun urner skal nedsettast.
Kvar urnegrav på Hareid har 4 urneplassar. Men ein kan også sette ned urner på vanlege kistegraver, då er det plass med inntil 6 eller 8 urner i grava. Ei urne skal ikkje settjast ned så djupt som ei kiste, det er difor også plass til urner på vanlege kistegraver på Hareid kyrkjegard. Viss ein velger å sette ned ei urne i ei kistegrav, kan ein i ettertid kun sette ned urner (ikkje kiste etter urne) innan fredningstida på 20 år.
Krav til urnegrav følger av gravplassforskriften § 14:
Gravferdsloven § 14.Urnegrav
Urnegrav skal være minst 2,25 m2 stor og deles opp i fire like store arealer som hver gir plass til en askeurne. På gravplass anlagt før 1. januar 1997 kan gravene ha de opprinnelige dimensjoner.
Askeurne skal gravlegges slik at den har minst 0,5 meter jordoverdekning og er omsluttet av jord på alle sider.
Når særlige forhold tilsier det, kan statsforvalteren fravike bestemmelsene i første ledd.