Guro sat i krinsstyret i Møre og Romsdal krins eit år og ho har også delteke i eitåringsprosjektet Ten Sing Norway. Ho er også aktiv i Norges KFUK-KFUM i høve ulike arrangement.Guro tek til i stillinga no i august. Vi gleder oss over at ho har takka ja til å leie dette viktige arbeidet!
Oppstart etter sommarferien
21. august har Guro første møte med styret for å planlegge hausten, og tysdag 28. august er det klart for første øving med koret, då håper vi at mange møter opp.
Vi ønskjer velkomen til alle ungdommane, og spesielt til dei som akkurat har begynt i 8. klasse. Øvingane er på Hareid bedehus. Kom å bli med!
Dette er Ten Sing
Ten Sing er ei gruppe med ungdomar i regi av KFUK-KFUM, i eit flott fellesskap med andre ungdomar, der ein møtast for å synge, spele i band, danse, og blir kjent med andre ungdomar, vere kreativ saman og ta del på ulike arrangement gjennom året.