I løpet av handlinga kan det gjevast rom for medverknad av ulike slag. Det kan vera medverknad frå bryllaupsfølgjet ved enkelte av dei liturgiske ledda, og det kan vera tillegg til handlinga i form av musikk eller høytlesning, eventuelt kombinert med at det tennast lys i lysgloben.
Blant dei kulturelle innslaga kan det òg opnast for element som understrekar den etniske bakgrunnen til paret. Der den eine part har ein annan kyrkjeleg tilhørigheit enn Den norske kyrkja, kan det etter godkjenning av biskopen opnast for deltaking frå vedkommande kyrkjesamfunn. Både når det gjeld medverknad frå andre kyrkjesamfunn og kulturelle innslag, skal desse bli tilpassa vigselshandlinga si gudstenestlege karakter og ikkje bryta med Den norske kyrkja sitt trusgrunnlag.
Innslag som kjem i tillegg til liturgien, kan plasserast etter ledd "9 Forbønn". Der namna skal nemnast, kan ein bruka fullt namn eller førenamn, etter kva som er naturleg i det enkelte tilfellet. Under ledd "7 Ekteskapsinngåing" skal det brukast fullt namn.
Det er to liturgiar for vigsel i Den norske kyrkja, vedtatt i 2003 og 2017. Sjå nedanfor.