Dåp i kyrkja

Dåpen er ei feiring av livet. I dåpen blir vi bore fram for Gud, enten vi er små eller store. Barn, unge og vaksne er like velkomne til dåp. Du treng ikkje å prestera noko eller tru på ein rett måte. Dåpen er ei gåve som det berre er å ta imot, difor er alle - uansett alder, gode nok til å bli døypte.

Gjennom dåpen vert vi ein del av kyrkja, eit fellesskap som strekker seg over heile verda - og gjennom alle tider.

Det er ei markering der den som blir døypt, har alle sine viktigaste støttespelarar rundt seg, og der Gud lovar å følge med alle dagar.

Dersom du ynskjer dåp i Høyanger følger du lenka over.

Dersom du bur ein annan stad enn Høyanger, men likevel ynskjer å døype barnet ditt her, må du også ha kontakt med ditt lokale kyrkjekontor. Ein prest der du bur vil så ha dåpssamtale med foreldre og den lokale kyrkjelyden har ansvar for vidare oppfølging etter dåpen.