Friluftsgudsteneste på Vadheimsstølen 4. august
I barnetrua er det ei førestilling om at Gud og englane er i den blå himmelen over skyene. Då er ein sjølvsagt nærare himmelen (og Gud) når ein er på høgfjellet.
Korleis ein enn ser dette i vaksen alder, så kan ein oppleve skaparverket nært
når ein er ute i naturen og på fjellet. For Kyrkjebø sokn har det vorte
ein tradisjon å ha friluftsgudsteneste på Vadheimsstølen på seinsommaren.
I år vert dette ei felles gudsteneste for Kyrkjebø og Lavik sokn, og elles er sjølvsagt folk frå alle sokn velkomne, antan dei er frå vår kommune eller grannebygdene.
Med atterhald om vertilhøva, så vert denne i år sundag 4. august kl 15.00.
Presten og/eller diakonen medverkar og i tillegg er der tonefylgje av lokal musikar. Soknerådet serverer betasuppe etter gudstenesta.
Vil du heller nyte medbrakt niste, så er det også ein kaffitår å få attåt den.
Ein nydeleg stad, unn deg turen, og opplev Skaparen sitt nærver – nærare himmelen.
Velkomen!
Kyrkjebø sokneråd