Folketoner

Gro Marie Svidal frå Jølster er ein av Noreg sine fremste utøvarar på hardingfele.
Med musikalsk overskot og ein distinkt tone tolkar ho slåttemusikken frå Sogn og Fjordane og Hordaland.
Repertoaret spenner frå det ettertenksame og vare til det eggande og kraftfulle.
Ho er ein framifrå formidlar på scena og møter publikum med varme og entusiasme.
Svidal er ein mykje nytta solist. I tillegg medverkar ho i teaterproduksjonar og gruppesamansetjingar med musikarar frå ulike sjangrar.
Svidal har gjeve ut fleire kritikarroste soloalbum og turnerar i både inn og utland.
Sommaren 2014 blei ho kåra til noregsmeister på hardingfele.