Klokkeringing
For å markere kyrkja sitt nærvær i den vanskelege situasjonen me alle er i no, vil me i Lærdal i lag med mange andre kyrkjer rundt om i landet ringe med kyrkjeklokkene laurdagar frå kl. 16.50-17.00. Fyrstkommande laurdag vil me ringe med klokkene i alle tre kyrkjene, deretter vil det gå på omgang i dei tre kyrkjene.
Fyrste påskedag vil me ringe med klokkene i Tønjum kyrkje frå kl. 10.00-11.00 for å markere Kristi oppstandelse og at påska ikkje er avlyst. I år blir dette kyrkja sin måte å markere påska på. Som kjent kan me ikkje feire gudsteneste, men me vil invitere kvar og ein til påskevandring.
Påskevandring
Det har vore tradisjon med korsvandring frå Rimskjold opp til Borgund stavkyrkje og enda opp med gudsteneste i Borgund kyrkje. I år kan me ikkje gjera dette på grunn av koronasituasjonen.
I staden har me sett ut bilder langs vindhellavegen som skal illustera lidelsessoga. Desse plakatane /bileta står framme til over påske. Då kan kvar og ein ha si eiga korsvandring.
Bilete er teke frå tidlegare krosvandring der gudstenesta vart feria i stavkyrkja.
Kyrkja i Lærdal ynskjer alle ei retteleg god påske.