Kyrkja var fullsett på jubileumsutgåva av Fredagsåpent 23.september 2016. Rune Minde, som har vore komiteleiar for arrangementet leidde kvelden på sitt ledige vis. Bandet og forsangarane førte an i musikken på ein vanleg stødig og flott måte. Felix og Sissel Vangen delte vakre songar. Det visuelle utrykket var gjennomtenkt og vakkert. Og det var mange som stoppa igjen til kveldsmat og prat med kvarandre.
Men sterkast inntrykk på dei fleste gjorde nok likevel den lavmælte, men sterke forteljinga som Charlotte Rørth delte med forsamlinga. Frå å vere "kulturkristen", som hadde ei rasjonell oppfatning av livet og dei store spørsmåla, vart ho heilt overraskande overmanna av fleire spesielle opplevingar, ikkje minst å få møte Jesus personleg, sjå han og høyre han snakke til seg. Det som gjorde sterkast inntrykk var at han sa "Det er godt du er til". Ein ubetinga kjærleik møtte Jesus henne med. Det endra livet for henne. Samtidig ville ho gjerne vere ein heilt vanleg person. Ho ser no som ei oppgåve å fortelje om opplevinga med Jesus vidare, og ho har nådd langt med det. 20.000 har vore og høyrt på henne og boka: "Jeg møtte Jesus. Bekjennelser fra en motvillig troende." har selt i store opplag.
Nederst i saka finn du bilder frå kvelden.