Fasteaksjonen 2023

Innsamlingsaksjonen i Os kyrkjelyd er både digital og fysisk.
FYSISK INNSAMLING:

Det vil sei at alle konfirmantane skal ut å gå med bøsser, og ringe på dører og be om pengar til eit viktig arbeid for verdens utfordringar. Vi har snakka med ein del av konfirmantane som seier dei vil heller gå ut med bøsser, gjere noko fysisk, få lov å kjenne at dei er bidreg i staden for å berre dele innsamlinga digitalt. Det er noko med det å kjenne at deltek som ei brikke i eit større fellesskap.
Kyrkja sitt diakonale arbeid er ein sentral del av det konfirmanten skal ha innsikt i, i løpet av konfirmantåret. No skal dei få bidra med sine eigne hender og føter i vårt diakonale arbeid, heilt konkret og fysisk.

Roder Husa/vegane/områda konfirmanten skal gå i kallar vi for RODER. Dette kan vera området rundt der de bur, eller andre stader. Konfirmantane kan gjerne gå saman to og to. Og helst med ein vaksen i nærleiken som kan bistå om noko skulle oppstå, evt kjøre dei der det er langt mellom husa. Vi legg ut rodene på googledocs.dokument, som de kan åpne og skrive konfirmanten sitt navn inn i. Skriv også inn navn på sjåfør der det er krav om. Be konfirmanten din snakke saman med dei hen evt vil gå saman med. Konfirmantane får bøssene utdelt på søndag 26.mars.

Gullbillett Vi legg ut GULLBILLETTER på tilfeldige husnummer rundt omkring på rodene, som konfirmanatane kan vera heldige å treffe på. Dersom dei får ein GULLBILLETT tek dei den med seg inn igjen til TUNET når dei er ferdig med roden, leverer den sammen med bøssa og får ein stor og smakfull premie!

DIGITAL INNSAMLING:

Os kyrkjelyd oppretter ein SPLEIS, som alle kan dele. Konfirmanten kan dele tekst og bilete/video på sine sosial medier, med venner og familie og andre, der ein oppmodar til å bidra til fasteaksjonen.
Vi deler forslag til tekst, video/ bilder saman med ein SPLEIS som både konfirmanten og de foreldre kan dele (på vegne av din konfirmant)
Meir info om dette kjem i eigen epost.

Klokkeslett og aktivitet
11.00 Gudsteneste med Fasteaksjonstema. Vi blir sendt ut!
12.30 Kyrkjekaffe i Storsalen (Hot dog + kaker)
12.30 Fotoutstilling
13.00 Utdeling av bøsser/TUNET
13.30 - 15.30 DØR-TIL-DØR-aksjon
15 – 16 Innlevering av bøsser/TUNET/Eldstova

Vel møtt til gudsteneste!

Både konfirmantar og foreldre, søsken og besteforeldre er invitert til Fasteaksjonsgudsteneste! Gudstenesta er obligatorisk for konfirmantane. Her får de høyre meir om kva Fasteaksjonen er og kva pengane går til, og får inspirasjon til å gå ut med bøsser.
Etterpå blir det kyrkjekaffe, med kaffe og kaker, før ein hentar bøssene for å gå ut på DØR-TIL-DØR-aksjon. Her kan de og få med dykk den flotte, sterke og rørande bildeutstillinga som er på «besøk» her hjå oss no.

Bøsseutdeling

Bøsseutdeling skjer frå ulike rom i TUNET, alt etter kva området du skal gå med bøsse i. Her hentar du bøsse til det området du har meldt frå om at du skal gå i. Dette har foreldre lagt inn i skjema før denne dagen. Konfirmantane blir fulgte av vaksne, som kjører dei der dei skal.

Langs ruta – på eit av husnummera - kan konfirmantane treffe på nokon som har ein GULBILLETT til konfirmantane. Den tek dei med seg tilbake til TUNET og leverer inn i bytte mot ein stor og smakfull PREMIE
Bøssene skal leverast inn igjen i TUNET, på samme plass som ein henta dei.
Vel møtt til ein av dei viktigste dagane i året! Takk for at de bidreg!

Snart er det konfirmantane i Os kyrkjelyd sin tur til å bidra i Kirkens Nødhjelp sin innsamlingsaksjon.

Søndag 26.mars samlar vi oss, saman med konfirmantar frå heile Norge, og går dør-til-dør-aksjon med bøsser for å samle inn penger til Kirkens Nødhjelp sitt livsviktige arbeid for å redusere fattigdom og nød i verden.
Kirkens Nødhjelp kom raskt i gang med hjelpearbeid etter det tragiske jordskjelvet som ramma Tyrkia og Syria. Det største behovet no er tak over hovudet, mat, vatn, ulltepper, varme klær, bleier og hygieneartikler. Når du frå no av ser nyheter om jordskjelvet i Syria, så kan du tenke at "eg er tilstades der med naudhjelp - fordi når eg er med i fasteaksjonen og samler inn til dette arbeidet, så gjer eg det mulig for Kirkens Nødhjelps lokale partnere å rykke ut med umiddelbar hjelp til dei som har overlevd jordskjelvet»

Eitt anna land Kirken Nødhjelp arbeider i er Tanzania. I 2014 hadde Kirkens Nødhjelp TV-aksjonen, og ved dei innsamla midlene fekk 1,7 millioner mennesker varig tilgang til reint vatn.

Landsbyen til 15 år gamle Deodata (bilete på toppen) er ein av desse. Før dette, i dei lange tørkeperiodane, brukte Deodata 3 timer kvar dag på å hente vatn. Dette resulterte i at ho ikkje fekk fullført skulen. No tar turen 5 minutter og innbyggarane i landsbyen hennar held seg friske og ho kan gå på skule.
La oss no saman gje fleire i verda dei same mogelegheitene som Deodata og hennar lansdby har fått. Takk for at du er med, og bruker føtene dine til å gå ut og hendene til å ringe på hus og samle inn penger i bøsser!! Din innsats er utruleg verdifull! Din innsats er som ein dråpe vatn, som saman med alle andre dråper kan utgjere eit heilt hav. SAMAN BIDRAR VI TIL HÅP I VERDA!