Ny dirigent for damekoret

Frå 1.august 2017 er Eirin Beate Åserud-Løvlid tilsatt som dirigent for Radøy damekor. Ho skal vera vikar for Jurate Norkuviene som har permisjon det komande året. Vi ynskjer Eirin velkomen i staben og gler oss til nye musikalske opplevingar i kyrkjelyden.

Eirin har praksis som dirigent frå både barne- og vaksenkor og syng også sjølv i ein kvintett som heiter Simply in Tune. Ho bur i Meland der ho også arbeider i kulturskulen. I tillegg dirigerar ho Bergen domkirkes jentekor og Damekoret Vox Animae.

Frå hausten er det også ny dag for korøving - mest sannsynleg vert det onsdagar frå kl 1930-2130 (med sosialt samver frå kl 1900) i Manger kyrkje.