Barnegudstenesta var eit initiativ frå dei frivillige som driv søndagsskule i kyrkjelyden vår. Dei ynskte seg ei gudsteneste med nattverd som hadde søndagsskulebarna og familiane deira som målgruppe.
Denne første gongen fekk vi besøk av klovnen Lalalailala (Laila Storeide) som hadde preike for borna, og teksten for preika var Johannes 3,16. Ho formidla både med humor og engasjement om Guds kjærleik til oss menneske.
Med matter på golvet som ungane kunne sitte på og band som spelte til songane blei dette ei fin samling for små og store. Med eit godt oppmøte, håper vi dette er noko vi kan bygge vidare på og at vi skal få til fleire slike Barnegudstenester til hausten.
Takk for initiativet og engasjement frå søndagsskule-gjengen!