Kirken.no bruker såkalte cookies til trafikkmåling og optimalisering av innhold. Hvis du klikker «Jeg forstår, lukk meldingen» aksepterer du at vi bruker cookies på sidene. Vil du vite mer om cookies, trykk «les mer».

Jeg forstår, lukk meldingen

Les mer

Digáštallet sámi válgačoahkkima Norgga girkui

Sámi girkoráđđi, mii čoahkkinastá Gáivuonas njukčamánu 7.-8. beivviid, háliida nannet sámi girkolaš demokratiijja. Ásahit riikkaviidosaš sámi girkolaš válgačoahkkima lea váldoášši čoahkkimis.

Sámi girkoráđi mielláhtut 2012-2016 čoagganit maŋimuš čoahkkimii dán válgaáigodagas. Ráđđi lea juo máŋgga čoahkkimis digáštallan sámi girkolaš demokratiijja prinsihpaid. Ráđđeláhtut geat dál fargga loahpahit iežaset áigodaga, galget dál buktit oaiviliid vejolaš sámi válgačoahkkima birra mii plána mieldedollojuvvo girkolaš válggaid ovdal juohke 4. jagi. 

- Dát sáhttá šaddat ođđa dehálaš lávki mii doalvu sámi girkoeallima Norgga girkus ovddosgulvui, dadjá Sámi girkoráđi jođiheaddji, Anne Dalheim.

Jurdda lea čohkket ovddasteddjiid sámi girkoeallimis miehtá sámi guovllu ja vel Lulli-Norggas, ja čoahkkin oažžu plána mielde rolla válljet dahje evttohit Sámi girkoráđi miellahtuid ja sámi ovddasteddjiid bismagodderáđiide ja Girkočoahkkimii. Árvvoštallojuvvo maiddái addit eará doaimmaid dákkár sámi girkolaš válgačoahkkimii.

Plána mielde ášši sáddejuvvo gulaskuddamii golggotmánu 2016, ja jurdda lea čađahit válgačoahkkima girkoválggaid olis 2019.

Okta molssaeaktu lea ahte girkolaš válgačoahkkin ovddida gárvves evttohusa das ahte geat berrejit válljejuvvot Sámi girkoráđi mielláhttun, ja ahte Girkočoahkkin dasto virggálaččat vállje daid. Dákkár modealla mearkkaša ahte Girkočoahkkin vuostáiváldá čielga árvalusa jienasteami bokte Sámi girkolaš válgačoahkkimis.

 

 

Strategalaš plána doaibmaáigodaga guhkiduvvo

Čuovvolit Sami girkoeallima strategalaš plána, mearriduvvon Girkočoahkkimis 2011, lea váldobargu Sámi girkoráđđái.

- Strategalaš plána lea eahpitkeahttá váikkohan dasa ahte bargu sámi girkoeallimiin lea ovdanan bures. Dattetge leat olu áššit maid báhcán barggakeahttá, ja lea dehálaš ahte bargu ii bisán dása. Evttohus ráđi beavddis lea ahte plána doaibmaáigodat guhkiduvvo guvttiin jagiin ja ahte ođđa strategálaš plána meannoduvvo Girkočoahkkimis jagi 2019, dadjá jođiheaddji Anne Dalheim

Sálbmaeahket Olmmáivákki rohkosviesus
Sámi girkoráđđi čoahkkinastá maiddái báikkálaš searvegotteráđiin vuosttaš čoahkkinbeaivvi ja oassálastá sámi sálbmalávluneahkedis læstadialaš rohkosviesus Olmmáivákkis vuosárgga dii 19.

 

Sámi girkoráđi áššelistu ja áššebáhpárat gávdnojit dás:

 

Oktavuohtaolbmot:

Sámi girkoráđi jođiheaddji Anne Dalheim, tlf:  91324326

Sámi girkoráđi váldočálli Tore Johnsen, tlf: 48991235

Kontaktinformasjon for Sámi girkoráđđi - Sáme girkoráde - Saemien gærhkoeraerie - Samisk kirkeråd

Besøksadresse:

Stakkevollveien 41

9010 Tromsø

 

 

 

 

 

Samisk kirkeråd

Postboks 799 Sentrum

0106 Oslo

E-post: post.kirkeradet@kirken.no