Saemien skyllijemaanajerkie 2016

Njoktjen aalkoelisnie Saemien gærhkoeraerie dam gåalmede saemien skyllijemaanajerkiem Nöörjesne öörnede. Saemien identiteete jïh jupmeles jaahkoe leah jarngesne.

 

Jerkie aalka duarstan, njoktjen 3. biejjien jïh vaasa aejlegen, njoktjen 6.b. 2016 raajan. Jerkie lea Vatnlia jerkiesijjesne Bådåddjon ålkoelisnie. Laavadahken edtjebe bussine mïnnedh Dragen gåajkoe Divtasvuodnesne. Skyllijemaanajerkie lea dan åvteste dovne pijtesaemien jïh julevsaemien dajvine. 22 noerh golme åålmegijstie dejnie golme noerhtemes bïspedajvine båetieh.

 Skyllijemaanah edtjieh meatan årrodh gyrhkesjimmiem darjodh jïh meatan årrodh darjoeminie ålkone jïh gåetesne. Mijjieh sïjhtebe dejtie golme saemien gïelide, åarjelsaemien, julevsaemien jïh noerhtesaemien, abpe jerkesne nuhtjedh lissine nöörjen. Mijjieh darjomh jïh eejehtimmiem sjïehteladteme guktie gaajhkesh edtjieh damtedh dah akte bielie ektievoeteste sjidtieh.

Saemien gærhkoeraerie, ovmessie åålmegh gusnie saemieh årroeh jïh doh golme noerhtemes bïspedajvh ektesne Saemien skyllijemaanajerkiem soejkesjieh jïh tjïrrehtieh. Mijjen ulmie lea noerh meatan utnedh abpe laanteste. Saemien gærhkoeraerie lea noere åvtehkh ööhpehtamme gellie jaepieh saemien noerehïeljine. Saemien noere åvtehkh leah vihkeles meatanbarkijh skyllijemaanajerkesne. 

Govlehtallije:

Tove-Lill Labahå Magga
Raeriestæjja jaahkoeööhpehtimmie

Saemien gærhkoeraerie

E-påaste: tm884@kirken.no

Tlf: 23081233

 

 

 

Kontaktinformasjon for Sámi girkoráđđi - Sáme girkoráde - Saemien gærhkoeraerie - Samisk kirkeråd

Besøksadresse:

Stakkevollveien 41

9010 Tromsø

 

 

 

 

 

Samisk kirkeråd

Postboks 799 Sentrum

0106 Oslo

E-post: post.kirkeradet@kirken.no