Kyrkja i bygdene rundt Storfjorden
Fellesrådet består i dag av sokna i Fjord og Stranda kommunar. Det er 6 sokn og 7 kyrkjer med 3 prestar i området. Kyrkja driv mykje godt arbeid i bygdene rundt fjorden, men kan også verte betre. Og korleis vi kan verte betre, det vil vi spørje innbyggarane om.
Vi ønskjer at du skal kjenne deg heime i kyrkja di
Difor inviterer vi til å svare på nokre spørsmål som omhandlar gudstenesta, kyrkjelydsarbeidet; - tiltak for barn, unge, unge vaksne, familiar og eldre, om song og musikk m.m.
Mange møter kyrkja i ulike livsfasar, og mange deltek fast i gudstenester og andre aktivitetar. No er det alle som bur i Fjord og Stranda kommunar som skal få vere med å gje tilbakemelding og kome med innspel på det eksisterande arbeidet, og gjerne kome med forslag på nye aktivitetar.
Du får no høve til å uttale deg om korleis du ønskjer kyrkja i framtida
Fleire spørsmål har svaralternativ som ein kryssar av, og somme spørsmål er opne der ein skriv eige svar.
Du finn undersøkinga ved å klikke på lenka under:
Spørreundersøking kyrkja i bygdene rundt Storfjorden
Og den vil også være å finne i papirform i kyrkjene, som de kan levere til presten eller til kyrkjekontoret på Stranda. Den vil vere tilgjengeleg ut juni månad.
Tusen takk for at du bidrar med dine tilbakemeldingar og idear for kyrkja!
Helsing kyrkjelydane i Fjord og Stranda kommunar