Konfirmasjonane står for døra. Etter at koronarestriksjonane blei borte, har arbeidet i kyrkjelyd og mellom konfirmantane teke seg opp. Tenk, vi kan sjå fram til flotte vårdagar med fullsett kyrkjer av høgtidsstemte konfirmantar og festkledde familiar.
For nokre er vegen litt lengre. Dei vart ikkje døypte som barn, og lyt ta eit val om å la seg døype før dei kan bli konfirmert. Fleire enn før blir døypte som 14-15 åringar. Anten ein er jamnaldrande, er i familie, i kyrkjelyden eller gjer teneste i kyrkja, det kjennes sterkt når ungdommar blir døypte. Vi heiar på desse flotte ungdommane!
Sundag 13. mars skjedde det i Vatne kyrkje. Då blei Benjamin, Stian og Laminta døypte. Astrid Ulvestad Øygard er konfirmantlæraren deira og sokneprest Karl Johan Bjørge døypte. Begge glade!