Storhendinga vart markert med jubileumsgudsteneste sundag 18. september. Det store oppmøtet i kyrkja fekk mellom anna sjå biskop Ingeborg Midttømme halde preike, kor og korps spele opp til jubileumsfest, og ordførar Randi Bergundhaugen lese nokre velvalde ord.
Fleire geistlege deltok på gudstenesta. "Mykje folk møtte fram, svært mange gjekk til nattverd. Blant dei frammøtte var det mange som hadde jobba i kyrkja før. Den mest langvegsfarande var Richard Powell, som hadde tatt turen heilt frå Glasgow for å dirigere koret. Han var tidlegare organist i Vestnes", skriv Romsdals Budstikke.
Sokneprest John Sylte og biskop Ingeborg Midttømme. Bilete: Tormod Lien
Då kyrkja vart bygd for 150 år sidan, hamna totalkostnaden på 6000 spesidalar. Det var firmaet Berg og Aas frå Levanger som fekk byggeoppdraget, med ein kontrakt på 3940 spesidalar. Den gamle kyrkja var
tatt og selt til ein kjøpar frå Ålesund. Delar av gamlekyrkja endte til slutt i Ørsta som material i eit bygg som enno står midt i sentrum, kan ein lese i jubileumsboka "Vestnes kyrkje 150 år", som nettopp vart gitt ut.