Døme på slike tilbod er babysong, 4-årsbok, overnatting i kyrkja (Lys Vaken) og konfirmasjon.
Når det er dåp, les vi frå Bibelen om å lære å kjenne den trua som vi blir døpte til. Dette ynskjer kyrkjelyden å hjelpe til med, saman med dei som har ansvar for oppdragelsen for bornet. Som ein hjelp til dette har kyrkja tilbod om trusopplæring for born og unge mellom 0 -18 år.
Nokon gudstenester er spesielle årsklasser invitert til å vere med på. Døme på dette er gudstenester der born som byrjar på skulen blir inviterte til å vere med på «Førsteklasses». I denne gudstenesten er tema og handlinger knytta til det å starte på skulen.
Heilt sidan den kristne kyrkje blei grunnlagd, har det vore undervist i kva den kristne truen handlar om. Trua sitt innhald har blitt overlevert fra generasjon til generasjon. Metodane for læring har variert, men innhaldet i trua er viktig å formidla.
For alle
Trusopplæringa som skjer i kyrkjelyden skal være lagt til rette slik at alle kan delta. Dette gjeld uavhengig av kjønn, funksjonsnivå og livssituasjon.
Samisk
I områder med samisk befolkning vil samisk kultur, språk og identitet prege innhaldet i trusopplæringa. Også andre stader hvor det bor samiske born og unge, skal det leggjast til rette for samisk trusopplæring.