Kanskje skal du tenna lys på ei grav denne helga? Dersom du ønskjer, kan du kombinera dette med å koma inn i Open kyrkje laurdag ettermiddag 6. november mellom kl. 12 og 15.
I Open kyrkje kan du sitja i stillhet, be, minnast, tenna lys - det som passar for deg.
Minnegudsteneste søndag kl. 16
Minnegudstenesta søndag 7. nov. kl. 16 er ei enkel gudsteneste med salmar, bøner, tekstlesing og ei kort preike.
I denne gudstenesta les vi opp namna på dei frå Arna sokn som har gått bort det siste året. Vi har sendt invitasjon til den som er oppført som kontaktperson for familien.
Du er hjarteleg velkomen til minnegudstenesta også om det er lengre tid sidan du har mista nokon, eller om du saknar nokon som ikkje var busett i Arna.
Etter gudstenesta er det ope i Kyrkjestova til kl. 18. Der blir det høve til fellesskap og enkel bevertning.
Søndag 7. november er det også ei vanleg gudsteneste kl. 11. Begge gudstenestene denne dagen er ved sokneprest Kristin Hjertaker og organist Sondre Pettersen.