Det nye soknerådet i Arna hadde sitt første møte og konstituerte seg måndag 30. oktober. Torill Vik Johannessen vart då valt til ny leiar og Kristin Haukaas vart nestleiar.
Torill er 43 år og har ein periode bak seg i soknerådet. Ho har vore friviljug medarbeidar i Arna kyrkjelyd i fleire år og har særleg engasjert seg i arbeidet for barn og unge. Dei siste åra har ho vore medlem av trusopplæringsutvalet og vore ein av vaksenleiarane i ungdomsklubben. Ho er også med i ei av gruppene som førebur og gjennomfører gudstenester.
- Eg brenn for dei gode møteplassane som vi har, og at alle skal få kome som dei er og finne sin plass i Arna kyrkje. Og eg meiner at kyrkja har ei viktig rolle i klima- og naturkrisa vi står oppi, seier Torill.
Til dagleg jobbar ho med kvalitetskontroll av vaksiner til oppdrettsfisk.
Rådet består elles av følgjande personar:
Ingmar Ljones, Kari Secher, Hans Martin Svarstad, Gunnlaug Almelid Tvilde, Ann Helen Heggestad Folkvord og Marlyn Hop. Soknepresten har fast sete i rådet.
Varamedlemmer er Erik Rodal, Evelyn Anna Larsen Nytun, Arild Sundland Dale, Møyfrid Naterstad Opheim og Roald Zinke.