I salmane, i Det gamle testamentet, ser vi at bøner både er takk og klage. Bøn er søken om trøyst og von. Bøn er tilbeding, rop om hjelp, beskyttelse, frelse og framtid. Bøna kan vi forme med eigne ord eller den er ordlaus. Nokre gonger er det godt å få hjelp i andre sine ord og former, og nokre bøner talar meir til oss enn andre. Bøner vi tar til vårt hjarte og som vi tar med på våre livsreiser.
I dei seinare åra har mange uttrykt stor glede over å bli kjent med den keltiske bønetradisjon. I Spjelkavik kyrkjelyd har dei brukt ein enkel liturgi tufta på denne tradisjonen og vi vil måndag 10.09 bruke denne kveldsbøna frå kl.20.15.