Dette er bårekapellet i Giske kommune, og det blir nytta av folk frå alle øyane, i sorg og i glede. Det er eit vakkert bygg som særleg blir brukt i forkant av gravferder til eit siste farvel, og som gir gode rammer for denne delen av livet. Det blir også brukt til vigsel, dåp, konfirmasjonsarbeid, konsertar, utstillingar og barnesamlingar.
Olav Leon Roald har laga motivet. Glaset er munnblåst og kvar flate er unik. Motivet er frå soloppgang til solnedgang, passande for eit slikt bygg. Fargane har Olav Leon sanka frå himmelen rundt oss, alle døgnet sine fargar.
Igjen tusen takk til alle som har gitt ei gåve til dette prosjektet!
Ta deg gjerne ein tur innom kapellet og nyt fargane og stemninga!