Helgemesse 2024 i Hareid kyrkje

Helgemesse 2.-3. november i Hareid kyrkje:
Laurdag 2/11 kl 16.00: Minnegudsteneste
Søndag 3/11 kl 11.00: Helgemesse-gudsteneste
Søndag 3/11 kl 19.00: "Stille konsert" med Hjørungavåg Brass 

Helgemesse eller allehelgensdag er ein dag for minner, særleg knytt til dei som ikkje lenger lever hjå oss. I kyrkjene blir helgemesse markert første helg i november. Då blir det feira gudsteneste i kyrkjer over heile landet.  Vi inviterer denne helga til tre arrangement i Hareid kyrkje; minnegudsteneste, helgemessesøndags-gudsteneste og stille konsert med Hjørungavåg brass. I tillegg inviterer vi 4. trinn frå alle skulane på kyrkjebesøk. Då snakkar vi om vanskelege tema som død, sorg og gravferd. Dette tema står også på konfirmantane sin plan.

Minnegudsteneste 
Minnegudstenesta er ope for alle som ynskjer å minnast sine, også om du vil minnast nokon som ikkje var busett her i kommunen og er gravlagt andre plassar. Vi ynskjer å ære minnet til dei som er døde. Dei er ikkje gløymde. På minnegudstenesta denne laurdagen vil vi lese opp namna på dei som er døde i Hareid sidan sist Helgemesse. Det vil også bli song, musikk, skriftlesing, bøn og stillheit. Vi får kome med liva våre slik dei er. Vi samlast som eit fellesskap for å forsøkje ta del i kvarandre si sorg og sakn. Men vi vil også samlast om håpet som den kristne trua gir gjennom Jesus Kristus. Vi vil tenne lys for kvar av dei som har gått bort. Etter minnegudstenesta kan den som ynskjer det også tenne lys framme i kyrkja. Minnegudstenesta vert avslutta med stille musikk.
Alle er velkomne!

Arrangør: Diakoniutvalet i Hareid kyrkje. Gudstenesteleiar er sokneprest Lars Hartig-Tangedal.