Laurdag den 27. april kl. 15.00. er Hareid Barnekantori klare for konsert på Hjørungavåg skule. Koret skal framføre eit syngespel som heiter «Å, så vakkert» av Hans Inge Fagervik. Songane handlar om at vi må ta vare på det Gud skapte, vi må ta vare på både jorda vår og kvarandre. Her er alt frå stille vare songar til rapp! Songane er knytt saman av korte tekstar, som nokre av koristane les. Borna har hovudrollene som solistar og alle dei andre rollene. Vi er så heldige at vi har fått med oss sjølvaste Roy-André «Zvor» Øvrelid, som er kjend frå bandet Kontrollert Kaos. Han skal vere med som solist på ein skikkeleg rapp ilag med koret, og vil også framføre ein av sine eigne låtar. Dette gler vi oss veldig til!!
Etter konserten vil vi ha trekning av loddbøkene vi har seldt. Der er mange flotte gevinstar, det vil sjølvsagt bli anledning til å kjøpe lodd for dei som enno ikkje har fått gjordt det!
Dei vaksne betaler inngangsbillett, og borna går gratis. Iløpet av konserten blir det også servert mat: mykje gode kaker, sveler, vafler mm.
Hareid kyrkjelyd har ein misjonsavtale med Det Norske Misjonssselskapet om å støtte eit prosjekt i Thailand. Dette er eit prosjekt som hjelper fattige born og unge til å få eit betre liv. Vi sender pengar slik at NMS kan drive både barneheim, skular og hjelp til heimane. Ein del av inntektene på konserten vil gå til dette prosjektet!
Så håper vi mange tek turen til Hjørungavåg denne laurdagen! Vi skal ha konsertlokale og mat klare til innrykk.
Velkomne!
Dele-knapper kan ikke vises uten at du samtykker til bruk av funksjonelle cookies. For å gjøre dette må du trykke på knappen helt nederst i venstre hjørne og marker sjekkboks for funksjonelle cookies og deretter klikke på \"Oppdater samtykke\". Evt. klikk på \"Godta alle cookies\" for å godta alle kategorier av cookies. Deretter må du laste siden på nytt.
