Hareid KFUK – KFUM ser etter vaksenleiar i 20 prosent stilling til ungdommane i Hareid Ten Sing. Arbeidstida vil vere ein øvingskveld i veka, i tillegg til enkelte helgar. Stillinga tilsvarer ikkje dirigent, då ein av ungdommane tek seg av den oppgåva.
Arbeidsoppgåvene vil bli organisering og gjennomføring av øvingar, turar og arrangement, i tillegg til å vere ei støtte for ungdommane i stort og smått.
Den vi ser etter er:
- Flink til å få kontakt med ungdommar.
- God til å sjå den enkelte.
- Strukturert og engasjert.
- Stødig å snakke med om tru og tvil
- Gjerne musikalsk
Vaksenleiaren må kunne identifisere seg med KFUK-KFUM og verdiane til kyrkjelyden.
Interesserte kan få fleire opplysningar frå:
Guro Topphol, som har hatt stillinga det siste året, (mob 48 10 09 82)
Eller sende søknad med CV til leiaren i Hareid KFUK-KFUM Anne-Marie Saunes Overå: amarios.a@hotmail.com
Stillinga er finansiert gjennom ei givarteneste frå medlemmane i Hareid KFUK – KFUM. Hareid kyrkje har arbeidsgivaransvaret.
Søknadsfrist: snarast
Vi ser fram til å høyre frå deg!