Songgruppene Oppvask, Kongsvegen, Teater KanErVil, SMILT og Strandefjorden Sang og Rytme underheldt med brask og bram. Mange solistar fekk prøve seg. Slagverk, bassist og gitarist heldt rytma. Ein og annan song laut ein starte oppatt nokre gonger. Men kva gjer vel det - når sjarmen og songgleda er på topp?
Bente Hove Pedersen Stundal balanserte stram regi med raus improvisasjon på eit framifrå vis. Ektemannen Jan var lydmann, og prest Jostein Enger fekk seie nokro ord om glede og lys. (Men som han sa: Å snakke om glede etter ein slik konsert blir litt som å hoppe etter Wirkola!)
Det er herleg å sjå når meistringsglede utfaldar seg så konkret og spontant. Av høgdepunkt må vi nemne "Fisking i Valdres", "Sami ednan" og "Fyrer med ved".
Tusen takk til alle gode krefter som ga oss denne minneverdige stunda i kyrkja! Sjå video og fleire bilete nedanfor!