Hausten 2023 er det Kyrkjeval. Det betyr at vi må velja nytt sokneråd i kyrkjelyden vår.
Soknerådet har 8-10 møter i året og soknepresten er medlem, i tillegg til 8 valde medlemmar og 5 vara.
I vår kyrkjelyd arbeidar Soknerådet utifrå mellom anna ein diakoni-, kyrkjemusikalsk- og trusopplæringsplan m.m.
Vi har ulike underutval med medlemmar frå både soknerådet, frivillige medarbeidarar og stab.
Underutvala arbeidar med ulike tiltak og har 2-4 møter i året. Utvala vi har her i Sula sokn er:
Administrasjonsutvalet
Arbeidsutvalet
Forhandlingsutval
Diakoniutvalet
Barne- og familieutvalet
Gudsteneste- og kulturutvalet
Kyrkje- og kyrkjegardsutvalet
Estetisk utval
Planutval for kyrkjelydssenter
Ei nasjonal undersøking blandt sitjande soknerådsmedlemmar viser at eit stort fleirtal trivst og opplev det som meiningsfylt å vera med i soknerådet.
Vil du vera med på laget?
Nominasjonskomité i Sula sokn set opp eit forslag til valliste til soknerådsval 2023. Forslag på kandidatar til soknerådet kan meldast til Sula sokneråd og leiar for nominasjonskomiteen (sjå kontaktinfo under) innan 01.mars. Valbare er medlemmer av Den norske kyrkja som bur i soknet, og som fyller 18 år seinast i 2023.
Listeforslag bør ha minst 40 prosent representasjon av kvart kjønn, minst 20 prosent representasjon av ungdom under 30 år og ei rimeleg geografisk spreiing. Kandidatar skal vere oppført i prioritert rekkjefølgje med førenamn, eventuelt mellomnamn, etternamn og fødselsår, og dessutan eventuelt bustad og stilling.
Kontakt leiar i nominasjonskomitèen: Olav Hoff via e-post olavhoff1@gmail.com om du lurer på noko, har forslag på kandidatar eller har lyst å stilla til val.
Endeleg nominasjonsliste må vi seinast ha på plass innan 31.mars kl. 12.00.
Kyrkjevalet finn stad (10.) 11. september 2023, med digital og fysisk førehandsstemming frå 10. august. Val av leke medlemmer av bispedømeråd og Kyrkjemøtet finn stad samtidig med soknerådsvalet.
Les meir på kyrkja.no: Stille til valg til menighetsrådet i kirkevalget - Den norske kirke (kirken.no)
Meld deg på kyrkjevalet sitt nyheitsbrev: Meld deg på nyhetsbrev (dialogapi.no)