Oppslagstavle

Solvang søndagsskule
9.9.2020
13. september startar Solvang søndagsskule opp igjen. Dei har samlingar i gymsalen på Sunnfjord Folkehøgskule, og samlingane startar kl. 11. Velkommen til små og store!
Gudsteneste for små og store 6.september
2.9.2020
6. september kl. 17.30 blir det gudsteneste for små og store i Førde Kyrkje. Velkommen til gudstenestefeiring og fellesskap!
Konfirmantar i Førde Kyrkje 12 og 13. september
31.8.2020
Søndag 12 og 13. september er det konfirmasjonsgudsteneste i Førde Kyrkje. På grunn av Korona-situasjonen er konfirmasjonsgudstenestene kun for konfirmantar og næraste familie, men alle gudstenestene vert strøyma. Kvar gudsteneste vil vere sett opp med dag og klokkeslett. Konfirmasjonane vil bli sendt direkte, og det er ikkje mogleg å sjå dei etterpå. På konfirmasjonane er det konfirmantane som er i fokus. Det vil seie at dei andre som er i kyrkja den dagen evt. vil bli filma bakfrå. Link: kyrkjadirekte.no Her finn du liste over konfirmantane 12 og 13.september.
Velkomen til 10-kaffi
27.8.2020
10-kaffien på Førde kyrkjetun startar oppatt onsdag 2. september. Alle er velkommen til denne uformelle møteplassen kvar onsdag kl.10.00 – 12.30 Arrangørar: Førde frivilligsentral og Kyrkja i Førde
Open kyrkje kvar onsdag
27.8.2020
Kvar onsdag i tidsrommet 10-13 er Førde Kyrkje open for dei som ønskjer å bruke kyrkjerommet til stille og bøn. Velkommen til open kyrkje!
Stølsmesse på Gulefjellet
13.8.2020
Velkomen til stølsmesse på Gulefjellet i Holsen. Til Gulefjellet kjem du ved å køyre eller gå stølsvegen opp. Det er litt bratt ein del av vegen, så ein firehjulstrekker er god å ha, men ikkje heilt nødvendig. Ta utgangspunkt i Holsen kyrkje og køyr mot Rørvikfjellet, opp bakkane frå kyrkja (ca 1,5 km?) til du kjem til eit raudt hus med grønt gjerde på høgre side. Ta til høgre inn grusvegen og følg den til den tar slutt, om du vil køyre heilt opp. Deretter ca 15-20 min å gå på god sti. Da vil du sjå kor folk samlast. Ta med noko å sitje på, og mat og drikke etter eigen trong.
Sommarkonsert / Lunsjkonsert
7.7.2020
Velkommen til Sommarkonsert / Lunsjkonsert laurdag 18.juli i Førde kyrkje.
Prestevikar
30.6.2020
Teologistudent Knut Nordeide har i sommar seks veker med prestevikarteneste i Sunnfjord. Han kjem frå Førde og har familie både i Førde og på Sande. Vi er særs glade for at Knut har sagt ja til å gjere teneste her hos oss. Ta godt imot han.
Sommaropningstid
24.6.2020
Sommaropningstid på kyrkjekontoret
Korsommarskule
18.6.2020
Korskulen i Førde kyrkje inviterer til korsommarskule i Førde kyrkje 29. juni – 1. juli. Tilbodet er for dei som skal begynne i 3. klasse og oppover (frå 2. klasse, for dei som allereie er medlem i Korskulen.) På korsommarskulen blir det mykje korsong og anna musikalsk moro. Det blir òg tid til leik og tur!
Opa kyrkje
5.5.2020
Samfunnet er gradvis i ferd med å opne igjen, og vi er glade for å kunne invitere til opa kyrkje i Førde kvar onsdag framover. Kyrkja vil vere open i tidsrommet 11-13. Velkommen til kyrkja - til lystenning, bøn og stille.
Kyrkjeoffer
1.5.2020
Offer i Førde i veke 28-32 går til arbeid i regi av Førde Sokneråd. VIPPS: 93395 Kontonummer: 3705 15 33896
Vakuumveke for 1-4.klasse
30.4.2020
11-14. august er det igjen tid for Vakuumveke på Førde Kyrkjetun; eit tilbod for 1-4.klasse med forming, bibeltime, sang og mykje leik. Påmelding startar i slutten av veke 19.
Vil du gi litt av di tid?
27.4.2020
Sunnfjord kyrkjelege fellesråd har driftsansvar for Home-Start Familiekontakten Sunnfjord (HSF). HSF tilbyr hjelp og støtte til småbarnsfamiliar som sjølv ønskjer det. Hjelpa blir ytt av frivillige familiekontakter, og i september 2020 startar vi nytt kurs for familiekontakter.
Påskekrossen
6.4.2020
Frå og med i dag og fram til påskedag vil krossen ligge ved Førde kyrkje. Ta ein tur ut og sett ned di påskelilje. Så er vi saman med på å syne at påska ikkje er avlyst. Tenk om krossen vår kunne lyse gult påskedag!
30.3.2020
Kva om vatnet i Førde forsvann, og du berre fekk 3 liter vatn. Vatnet som kjem ut av springen er skittent. Korleis vil du klare deg? Kva tenkjer du? Her er ein video ein av konfirmantane våre har laga. Du kan vere med og støtte Fasteaksjonen på innsamlingsaksjonen vår på Facebook, via Vipps eller Sms eller på fasteaksjonen.no.
30.3.2020
Vipps
23.3.2020
Har du ikkje kontantar? Du kan betale både takkoffer, bladpengar og medlemspengar med Vipps. Her ser du Vippsnummera som vi brukar i Førde, Holsen og Haukedalen:
Fasteaksjonen blir digital i år
23.3.2020
Grunna Koronaviruset, vert ikkje Fasteaksjonen ein dør til dør aksjon, men kun digital. I dag lever 1 av 9 menneske i verda utan tilgang til reint vatn. Mange stader fører dette til at born som Kila ikkje kan gå på skule, fordi dei må hente vatn eller blir sjuke. Reint vatn forandrer liv. For 200 kr kan du gje eit menneske tilgang til reint vatn resten av livet.
Til deg
18.3.2020
Å vere kyrkje utan å kunne opne kyrkja og invitere deg inn er ei ny og uvand kjensle. Å ikkje kunne samlast til gudsteneste for å syngje saman, be, feire nattverd, lytte til fin musikk og ha den gode praten under kyrkjekaffien, - ja, det er eit tap.

1
2
3
4
5

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"