Oppslagstavle

Nyårsgudstenestene i Gaular

27.12.2021

1. og 2. januar blir det nyårsgudstenester i Gaular med ein kort minnedel for dei som har gått bort i 2021. Lenkjer til påmelding finn du nedanfor, men får du problem kan du sende melding til oss på Facebook og vi vil prøve å hjelpe. Fristen for påmelding er dagen før.

Du og eg – elska og hugsa!

22.12.2021

I advent tida heng me opp stjerne i glaset. Då førebur me oss til Jul. Det har vore nokre stjerneklåre netter no i adventida. Eg er slik at når eg løfter blikket mot stjernene blir eg litt filosofisk og dei store spørsmål arbeider i meg. Et står under same stjernehimmel som gjetarane sov under. Under same stjernehimmel som Kong David stod og undra seg over: ”Når eg ser din himmel…- kva er då eit menneske – at du hugsar på det – eit menneskebarn – at du tek deg av det?” Under den same stjernehimmel som far min, besteforeldra mine, oldeforeldra mine, mine ukjente slektningar som no er gløymde av oss, men ikkje av Gud – ja, same stjernehimmel som dei vise frå austerland følgde.

Velkomen i kyrkja i jula!

20.12.2021

Også i år blir det påmelding til julegudstenestene i Gaular. Lenkjer til påmelding finn du nedanfor, men får du problem kan du sende melding til oss på Facebook og vi vil prøve å hjelpe. Fristen for påmelding er veslejulaftan kl.12.00.

Tårnagent

2.11.2021

Dei som går i 4. klasse vil snart få invitasjon til hemmeleg samling i Sande kyrkje der vi skal løyse ulike mysterium og gå på stader der ikkje mange går i kyrkja sine mange krikar og krokar. Tårnagentane skulle vore samla i januar - men smittevernreglar sette oppdraget på vent. No må oppdraget løysast: Det skjer laurdag 13. november og rapport skal avleggast søndag 14. november klokka 14.00. Meir informasjon kjem i posten - men gjer klar for teneste og oppdrag. Når rapport er avlevert søndag kan alle som har lyst samlast til sosialt treff med basar, utlodning og gevinstar på kyrkjelydshuset - det kan bli ei fin avslutning på agenthelga.

Tysdagskafé på Sande

26.7.2021

Gaular Frivilligsentral og Kyrkja i Gaular startar opp igjen med Tysdagskafé på kyrkjelydshuset tysdag 16. august. Tilbodet skal vere for alle på Sande. Det er gode parkeringsmoglegheiter, kort veg frå sjukeheimen, rullestolvennleg, og barnevognvennleg. Velkomen!

17. mai i Gaular

10.5.2021

Hipp, hipp hurra! Grunnlovsdagen blir markert i kyrkjene våre med gudsteneste i Viksdalen og i Bygstad kl.11.00, på Sande kl.12.30. Takksemd, glede og forbøn vil vere råma for ei kort gudsteneste.

Tusen takk!

22.4.2021

Hjerteleg takk til alle konfirmantar og frivillige som har vore med på å samle inn pengar, alle foreldre som har køyrt rundt, og alle i soknet som har gitt eit bidrag til fasteaksjonen! Dei endelege tala er komne, og det vart i alt samla inn 65.058 kr. Det kom inn rett over 40.000kr på bøssa, rett under 20.000 kr på Vipps (det er ei ny rekord i seg sjølv) og resten kom inn på innsamlingsaksjonen og gåver utanom. Dette gjev 260 mennesker tilgang til reint vatn!

Distribusjonsdugnad for kyrkjebladet

15.4.2021

Kyrkjebladet skal ikkje berre lagast, det skal distribuerast òg. Det har posten gjort, men med sine omleggingar har no størstedelen av Viksdalen gått ut av ruta. Skal dei inn igjen, må vi ha med Holsen og Haukedalen òg. Ei slik ordning er uaktuell. Vi har allereie begynd med dugnadsdistribusjon i deler av Viksdalen, men no er spørsmålet om vi kan ta heile soknet på dugnad. Då sparer vi både tid og pengar.

Kva er det med Jesus og sauer?

15.4.2021

Jesus snakkar på søndag om at tjuvar og røvarar kan snike seg inn, skape uro og spreie flokken. Vi er vel mest opptekne av at det er Covid som spreier oss akkurat no. Men vi kan samlast att, om enn noko spreidd med tilviste plassar og to meters mellomrom. Ein spreidd flokk kan samlast i kyrkjerommet komande søndag. Då er det gudsteneste på Sande kl.11.00 og i Viksdalen kl.15.00. Men kyrkjelyden sitt årsmøte blir utsett til seinare. Hyrdingen kallar - og vi "samlast" på søndag. Vel møtt!

«Du må’kke komme her og komme her!» …

31.3.2021

I to dagar levde dei i den tru at dei hadde rett. Øvstepresten, mange av prestane, dei skriftlærde og farisearar: Jesus var skuldig i blasfemi. Alt det forvirra pratet om at han var Guds son, alt han hadde sagt om Guds rike, alt han hadde sagt om sin eigen posisjon og makt – langfredagen hadde ein gong for alle bevist at han var ein bedragar! Gud greip ikkje inn og redda denne sokalla «Menneskesonen» sin. Sjølvsagt ikkje. Det var tvert om eit kolossalt nederlag for Jesus og alle som følgde han. Men makan til problem han hadde laga! Fattigfolk, syndarar, sjuke og all slags pakk hadde søkt trøyst hos han og høyrde meir på han enn på dei!! Men no var det over:

Bøsseberarane kjem!

18.3.2021

Tysdag 23. mars er den årlege fasteaksjonsdagen til inntekt til Kirkens Nødhjelp sitt arbeid. Vi var litt usikre på korleis vi skulle gjennomføre Kirkens Nødhjelp sin fasteaksjon lokalt i år, men har landa på at vi gjennomfører dør-til-dør aksjon i år likevel. Vi har forhøyrt oss og blitt forsikra om at det ikkje er noko i vegen for at vi kan ha dør-til-dør aksjon, så lenge bøssebærarane held god avstand til dei som ein ringjer på til. I tillegg vil konfirmantane ha på seg munnbind når dei samlar inn til fasteaksjonen.

«Walk and talk»

8.2.2021

Hei, bur du på Sande og er interessert i eit aktivitetstilbod på dagtid? Kyrkja i Gaular og Gaular Frivilligsentral samarbeidar om ein «Walk and talk»-gruppe måndagar kl. 12:00. Etter mange fine turar tek vi ein pause over sommaren, og startar opp igjen til hausten.

Byter ut gudsteneste med open kyrkje

21.1.2021

Sidan dagens smitteverntiltak set ei grense på 10 personar i kyrkjelyden, byter vi ut vanlege gudstenester med open kyrkje i Bygstad 14. januar kl.10.30-11.45 og på Sande 14. januar kl.13.30-14.45. Det blir høve til lystenning, til å be om forbøn, samtale og nattverd. Vi les også dagens tekstar og det blir kort minipreik og vi syng ei salme. Velkomen innom – inntil 10 personar om gongen! Utdeling av Bibelen til 5. klasse blir utsett til seinare.

Fotball er ikkje alt!

18.1.2021

Eg er ikkje interessert i fotball! Kanskje er det fordi eg har nesten berre dårlege minne frå fotball. Det første frå eg var heilt liten. Mine to eldre brør som var 8 og 10 år eldre enn meg spela fotball i lag med nokre kameratar. Dei fann på at eg kunne stå i mål. Så skjer det: Ein av ungdomane dundrar av ein ball mot mål med full styrke på kort hald – og treffer meg rett i magen. Ballen slår pusten ut av meg! Eg ligg på bakken, gispar etter luft og vrir meg i smerte. Han som sparka ballen lo.

Velkomen til nyårsgudsteneste

28.12.2020

Vi har ein kort minnedel for dei døde i kyrkjekrinsen i året som gjekk. Påmelding ved lenkja under.

Påmelding til julegudstenester

30.11.2020

Påmelding til julegudstenstene begynner her på nettsidene våre kl.12.00 mandag 14. desember. Lenkja finn du ved å klikke på den enkelte gudstenesta i kalenderen øverst på sida.

Soknemøte i Gaular

9.11.2020

Det vert halde soknemøte i Gaular sokn den 22. november etter gudstenesta i Sande kyrkje kl 11.00. Sak på soknemøte er: Ny gudstenesteliturgi. Framlegget til liturgi vert brukt i gudstenesta, for at kyrkjelyden skal verte kjend med den. Vel møtt!

Alphakurs er avlyst

2.11.2020

Vi prøver igjen seinare. Alpha kurs høver svært godt for alle som ønskjer å vite meir om kristen tru, eller for dei som er heilt nye i trua på Jesus Kristus. Oppstart: Onsdag 18. november 2020 kl.19.00-21.30 på Sande kyrkjelydshus, fem onsdagar før jul og fem onsdagar etter jul.

Korleis er stoda i Gaular sokn?

28.9.2020

Det spørsmålet lurer det nye soknerådet i Gaular sokn på. Difor har soknerådet eit ønskje om at så mange som mogeleg svarar på ei spørjeundersøking – same kvar ein bur eller kor mykje eller lite ein brukar kyrkjelyden sine tilbod. Dess fleire som svarar, dess betre kan denne undersøkinga hjelpe soknerådet til å velje ut kva område ein bør satse på og setje inn tiltak der ein ser at vi har potensiale til å bli til betre.

Sande kyrkje treng deg

19.6.2020

Det er mange praktiske oppgåver rundt avvikling av gudsteneste eller anna arrangement i kyrkja. Presten har sine oppgåver og organisten sine. Saman med kyrkjetenar utgjer dei eit godt arbeidsteam. Vi manglar kyrkjetenar i Sande kyrkje. Kan dette vere noko for deg?

Oppslagstavle

Nyårsgudstenestene i Gaular

Du og eg – elska og hugsa!

Velkomen i kyrkja i jula!

Tårnagent

Tysdagskafé på Sande

17. mai i Gaular

Tusen takk!

Distribusjonsdugnad for kyrkjebladet

Kva er det med Jesus og sauer?

«Du må’kke komme her og komme her!» …

Bøsseberarane kjem!

«Walk and talk»

Byter ut gudsteneste med open kyrkje

Fotball er ikkje alt!

Velkomen til nyårsgudsteneste

Påmelding til julegudstenester

Soknemøte i Gaular

Alphakurs er avlyst

Korleis er stoda i Gaular sokn?

Sande kyrkje treng deg

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Chrome

Firefox

Safari