Åhtsåp diakåvnåv/diakonijjabarggev julevsáme giella- ja kulturmáhtudagájn. Ietjá barggij siegen oadtju dát bargge guovdásj dahkamusáv gå galggá bájkálasj tjoaggulvisájt ja mijá æjvvalimsajijt åvddånahttet ja nannit arienájn ma dåjmalattjat åvdedi julevsámegielav, kultuvrav ja identitiehtav. Diakåvnnå/diakonijjabargge galggá aj liehket ressurssan Oarjje-Hålogalátte bisspaguovlluj mij guosská julevsáme girkkoiellema åvdedibmáj.
Jus sidá ienebut diehtet diakåvnå/diakonijja birra, gehtja: www.diakonforbundet.no
Bargguj gullu:
- Jådedit tjoaggulvisáj diakåvnålasj bargov guovtekultuvralasj ja guovtegielak Hábmerin
- Dåjmalattjat oassálasstet tjoaggulvisáj fágajgasskasasj åvddånimbargguj man ulmme la åvdedit julevsáme gielav, kultuvrav ja identitiehtav
- Muhtem jårggålimbargo ja nágin gallegasj dålkkumbargo
- Soajttá ietjá bargo virggáj tjanáduvvi
Máhtudakgájbbádusá:
- Åhttsen galggá diakåvnnååhpadus jali ietjá guoskavasj alep oahppo
- Julevsáme giella ja kulturmáhtto la ájnas
- Åhttse gejn li ietjá guoskavasj alep oahpo, diakåvnnåfágalasj máhtudagá dagi, árvustaláduvvi jus sihti diakåvnnån låhkåt. Jus navti sjaddá de barggovadde doarjju praktihkalattjat ja rudáj hárráj.
Gåktu dån la:
- Buvtá ja sidá barggat barggoguojmij ja luojvoj barggij siegen
- Bargov vuojná, ja åvdeda girkko sajev bájkálasj sebrudagán
- Buvtá nannit luohtádusáv ja guládallat ulmutjij duon dán iellemdilen
- Dujna l vuogas luonndo ja guorrasa girkko dahkamussaj ja ulmmáj
Sån gut virggáj biejaduvvá galggá liehket Vuona girkko sebrulasj ja galggá åvddån biedjat dågålasj politijjaduodastusáv (mánájhuksoduodastusáv).
Dujna galggá ietjat bijlla. Muhttijn soajttá hæhttu iehkedijt ja ájllegijt barggat. Bálkká ja virggebiedjam guoskavasj lágaj, njuolgadusáj ja KA:a tariffasjiehtadusáj milta. Pensjåvnnåsjiehtadus KLP:an. Guorrasip goassá álgá.
Diedo virge birra oattjo jus váldá aktijvuodav:
HR-jådediddje Kurt Solstrøm, tlf 91 66 88 77
Åhtsåmájggemierre ragátmáno 25. biejve 2020
Åhtsåmus CV:ajn, oahppoduodastusáj ja attestaj diehki sáddiduvvá:
Divtasvuona ja Hábmera tjoaggulvisráde/Tysfjord og Hamarøy menighetsråd
Vestfjordveien1455
8294 Hamarøy
Jali e-påsta baktu: ks489@kirken.no