Opningstider kyrkjekontoret

Kyrkjekontoret er feriestengt måndag 7.april tom måndag 21. april. 2025 Gravferder i Ulvik kan meldast til kyrkjeverja i Ulvik Wilma van Manen: Mobil: 913 42 917 e-post: wm953@kyrkja.no eller ta kontakt med sokneprest Anne Marthe Ulvik tlf 92.43.50.96.

Fasteaksjon tysdag 8. april 2025

Gode Ulvikingar Årets Fasteaksjon går av stabelen tysdag 8. april. På ettermiddagen denne dagen vil konfirmantar eller andre frivillige banke på døra di. Pengane som blir samla inn går uavkorta til Kirkens Nødhjelp sitt arbeid hjå dei som treng det aller mest. Ta vel imot innsamlarane! Me tek imot kontantar eller du kan bruke Vipps 2426. Les meir om aksjonen i kyrkjebladet. Takk for at du er med og bidreg ☺ Helsing konfirmantar, sokneprest Anne Marthe Ulvik og aksjonsnemnda i Ulvik sokneråd.

Måling og innsamlingsaksjon

Kyrkja har stått som eit smykke midt på Brakanes sidan 1958. Ho er ein samlingsplass i glede og sorg, og eit visuelt midtpunkt i bygda. Med jamne mellomrom treng ein slik stor trebygning vedlikehald, og alle ser nok at det er sårt tiltrengt no. Denne våren vil kyrkja verta vaska. Det hjelper på førsteinntrykket, men det trengs meir for å ta vare på bygningen.

Dugnad Brakanes tysdag 22. april 2025

Dugnad på Brakanes gravplass tysdag 22. april kl. 18.00 – 20.00. Me skal raka kvist, og håpar du kan med ei rive! Etterpå blir det kaffi og noko godt å bite i som takk for innsatsen. Alle er hjarteleg velkomne til å bidra!

Supertysdag i Ulvik kyrkje

Kjære foreldre med små barn, me veit at livet med små barn kan vere travelt, men me håpar me kan gi deg ein velfortent pause! Kom og nyt ein felles middag med andre foreldre og barn på kyrkjekontoret. Etter maten blir barna underheldne med leik, hobbyaktivitet, song og musikk, og til og med dukketeater! Det blir ein koselig ettermiddag for både små og store.

Årsmelding 2024

Årsmelding for Ulvik sokneråd/fellesråd 2024, For å lese årsmeldinga: opne dokumentet "2024 årsmelding.pdf".

Brubyggjaren nr. 1 -2025

Brubyggjaren nr. 1-2025 har kome i postkassen, men kan også lesast digitalt. Det hadde vore veldig fint om mange kunne betale medlemspengane! Takk for støtta!

Vigsel i Ulvik kyrkje

Vil de gifta dykk i Ulvik kyrkje? Sjekk når det er mogleg å gifta seg enten i 2024, 2025 eller 2026. Fyll ut skjemaet så fullstendig som mogleg og send den inn, så behandlar me førespurnaden din så snart som mogleg.

Brubyggjaren

Kyrkjebladet Brubyggjaren er utvilsamt lokalt bindeledd mellom folk og kyrkje. Bladet vert levert i alle postkasser. Les Brubyggjaren på nett.

Om oss

Kontaktinformasjon og diverse

Ulvik kyrkje