Det hastar for barna i Moria-leiren

Talspersonar frå fleire kyrkjesamfunn går saman i ei oppmoding til regjeringa om å evakuera barnefamiliar og einslege mindreårige frå Moria-leiren.

Oslo, 15. april 2020

Det hastar!

Noreg må vera med på dugnaden med å ta imot einslege mindreårige og barnefamiliar frå Moria-leiren på Lesbos.

Vi er takksame for og støttar oppmodinga frå 19 tidlegare statsrådar som ber Noreg om å vera med og ta imot einslege mindreårige og barnefamiliar frå Moria-leiren på Lesbos i Hellas.

Fleire europeiske land, som Tyskland og Luxembourg, har starta med å henta ut nokre. Trass i korona-krisa vil Tyskland og Luxembourg no hente ut høvesvis 50 og 12. Vi er klar over og støttar at Noreg har gjeve og gjev bistand til å handtera situasjonen i Hellas. Hellas treng også vår solidaritet.

Men vi må òg vera med på å ta imot nokre her.

Vi har nettopp feira påske der ein i kyrkja stansar ved Jesu kross. Gjennom dette minnest vi kyrkja si oppgåve til å kjenna att smerta og lidinga sitt ansikt lokalt og globalt. No kallar ansikta til borna og dei einslege mindreårige i flyktningeleiren i Moria på oss. Dei treng medkjensle og solidaritet.

Vi oppfordrar regjeringa til at Noreg skal vera med på dugnaden med å evakuera barnefamilar og einslege mindreårige frå Moria-leiren. Det hastar!


Biskopane i Den norske kyrkja
Kristin Gunnleiksrud Raaum, leiar i Kyrkjerådet
Kristine Sandmæl, leiar i Mellomkyrkjeleg råd for Den norske kyrkja
Erhard Hermansen, generalsekretær i Noregs kristne råd

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"