Det var foreslått frå Kyrkjerådet å gå for ei ordning med utgangspunkt i sjølvstendige lister. Ei slik ordning ville hatt mekanismer for framgangsmåtar dersom det berre skulle bli levert éi eller ingen sjølvstendige lister.
Fleirtalet i Kyrkjemøtet ønska imidlertid å halde på den ordninga ein har i dag. I denne modellen er det ein nominasjonskomité som har ansvar for å utforme ei breitt samansett liste. I tillegg er det opent for andre å fremje forslag om sjølvstendige listeforslag. I kyrkjevalet i 2019 stilte Åpen folkekirke lister i alle bispedøme, og Bønnelista i ni av elleve bispedøme.
Kyrkjemøtet vedtok at ein ønskjer å fortsetje å halde kyrkjevalet samstundes med, og i umiddelbar nærleik til, offentlege val.
Økonomisk støtte
Det vert også innført ei årleg støtteordning for registrerte nomineringsgrupper som har medlemmar innvalt i Kyrkjemøtet. Det skal også gjevast støtte til leke medlemmar i Kyrkjemøtet valt inn frå Nominasjonskomiteen si liste, representant for døvekyrkjelydane og samiske representantar valt inn frå bispedømmeråd.
Den årlege ramma for støtteordninga er på to millioner kroner. Støtteordninga vert utforma slik at 1/4 av støtta vert gjeve som grunnstøtte uavhengig av resultatet ved kyrkjeval. 3/4 av støtta vert fordelt basert på antall innvalde medlemmar i Kyrkjemøtet.
Medlemmar valt inn frå Nominasjonskomiteen si liste skal som utgangspunkt kunne få stilt til disposisjon ein individuell sum og så få refundert innlegg opp til denne summen. Det samme vil gjelde representant for døvekyrkjelydane og dei samiske representantane.
Støtteordninga skal bli evaluert etter kyrkjevalet i 2023.