Kirken.no bruker såkalte cookies til trafikkmåling og optimalisering av innhold. Hvis du klikker «Jeg forstår, lukk meldingen» aksepterer du at vi bruker cookies på sidene. Vil du vite mer om cookies, trykk «les mer».

Jeg forstår, lukk meldingen

Les mer

Invitasjon til å lage liturgisk musikk

Er du den som skal komponere den nye liturgiske musikken i rytmisk tradisjon? Les meir om Kyrkjerådets ønsker under.

Kyrkjerådet ønsker å kome i kontakt med låtskrivarar og komponistar som vil skrive liturgisk musikk til leddet Gloria – Lovsong og Sanctus – Heilag, og som vil sende inn forslag til musikk til eitt eller begge ledd, innan 8. mai. Forslaga vert vurdert av Liturgisk musikkutval i Kyrkjerådet.

Kyrkjerådet ønsker ein heilskapleg serie i rytmisk tradisjon, Allmenn hovudserie 2, til bruk i gudstenester i kyrkjelydar over heile landet. Vi har allereie musikk til Kyrie og Agnus Dei i denne serien, og oppmodar no låtskrivarar og komponistar til å sende inn forslag til nytt Gloria og Sanctus.

Musikken til Sanctus - Heilag bør eigne seg godt saman med den liturgiske musikken til dei ledda vi allereie har i Allmenn 2: Kyrie – Bønerop (musikk av Mari Tesdal Hinze) og Agnus Dei – Du Guds Lam (musikk av Tore W. Aas). For å få tilsendt notar til det allereie eksisterande materialet i Allmenn 2, ta kontakt med rådgjevar for kyrkjemusikk i Kyrkjerådet, Hildegunn Opstad Smørgrav. Ho treff du på e-post hs484@kyrkja.no.

Vi ber om at forslag til liturgisk musikk for Gloria – Lovsong og Sanctus – Heilag vert sendt til den same e-postadressa innan fristen, som er sett til måndag 8. mai 2017, innan kl. 10.